اپنے یقینوں سے ڈر

اب تو تو نے اپنے سپنوں میں خود سن لیے ایسے ایسے بول

چلتی مشین گنوں سے چھدے ہوئے وہ بول، اک ان جانی بولی میں

جب چوبی کھمبوں سے

اور کھمبوں سے ڈھلک گئے تھے

ریزہ ریزہ

اور ۔۔۔ وہ ان کے آخری مختصر، بول سہانے

اپنے اختیاروں میں اتنے بے بس اور اپنے اطمینانوں میں اتنے بے کل

خواب میں کتنے اچھے لگے تھے ۔۔۔ اور اب جاگنے میں تجھ کو اپنے آپ پہ حیرت کیوں ہے

اے دل، کچھ ڈر

کتنے قیمتی، کتنے نازک ہیں یہ رابطے جن سے نظام ان تیری ٹک ٹک چلتی راحتوں کے