’’مری ندیم کھلی ہے مری نگاہ کہاں

’’وطن‘‘ کے بحر سے دور، اُس کے ساحلوں سے دور؟

ہے میرے سینے میں اِک ورطۂ جُنوں کیسا؟

جہاں دماغ میں چھپتی ہوئی ضیائیں ہیں

’’کہاں ہے آہ، مرا عہدِ رفتہ، میرا دیار

یہ ہر طرف سے برستے ہیں ہم پہ کیسے شرار

’’وہ سامنے کی زمیں ہے مگر جزیرۂ عِشْق

کہ ’’سر زمینِ عَجَم‘‘ کے کہیں قریب ہیں ہم

یہ کیا طلسْم ہے، کیا راز ہے، کہاں ہیں ہم؟

کہ ایک خواب میں بے مُدّعا رواں ہیں ہم؟

’’یہ ایک خواب ہے، بے مُدّعا رواں ہیں ہم

ابھی یہاں سے بہت دور ہے جہانِ عَجَم

وہ سامنے کی زمیں ہے مگر جزیرۂ عِشْق

فضا پہ جس کی درخشاں ہے اک ستارۂ نور

۔۔م۔۔

مری ندیم چل اس سر زمیں کی جانب چل‘‘

’’اُسی کی سمت رواں ہیں، سفینہ راں ہیں ہم

ہمیں زمان و مکاں کے حدودِ سنگیں سے

کہ جا چکے ہیں وہ اس سر زمینِ رنگیں سے‘‘

’’مری ندیم چل اس سر زمیں کی جانب چل!‘‘

’’اُسی کی سمت رواں ہیں، سفینہ راں ہیں ہم

یہاں حیات مجسّم سُرُود ہے گویا‘‘