مرزا غالب

رہے نہ جان تو قاتل کو خونبہا دیجے
کٹے زبان تو خنجر کو مرحبا کہیے

داغ دہلوی

آ گئی آپ کو مسیحائی
مرنے والوں کو مرحبا کہیے

شیخ ابراہیم ذوق

میں ترے ہاتھوں کے قرباں واہ کیا مارے ہیں تیر
سب دہانِ زخم منہ سے مرحبا کہنے کو ہیں

مومن خان مومن

نہ ملائیں گے وہ نہ آئیں گے
جوش لبیک و مرحبا کب تک
شوق نے دورباش اعدا کو
اس کی محفل میں مرحبا جانا

میر مہدی مجروح

ہر لب زخم تن سے میں دمِ قتل
کہتا قاتل کو مرحبا ہوں میں

حسرت موہانی

وہ آئے مگر آئے کس وقت حسرتؔ
کہ ہم چل بسے مرحبا کہتے کہتے

شکیل بدایونی

جب صبوحی لے کے ورد مرحبا کرتا ہوں میں
زندگی کو نیند سے چونکا دیا کرتا ہوں میں