امام بخش ناسخ

دکھا کے باغ میں آنکھیں چڑھی ہوئی اپنی
وہ نشہ دیدۂِ نرگس سے آج اتار آیا

باقی صدیقی

حسرت ہے جو نکال لو غصہ اتار لو
بے سدھ پڑا ہوں آخری پتھر بھی مار لو

جون ایلیا

شوق کا بار اتار آیا ہوں
آج میں اس کو ہار آیا ہوں

شکیب جلالی

آیا ہے ہر چڑھائی کے بعد اک اتار بھی
پستی سے ہم کنار ملے کوہ سار بھی

اختر شیرانی

ہیں تشنہ کام ہم ان بادلوں سے پوچھے کوئی
کہاں بہار کی پریوں کے تخت اتار آئے

بشیر بدر

ابھی اس طرف نہ نگاہ کر میں غزل کی پلکیں سنوار لوں
مرا لفظ لفظ ہو آئینہ تجھے آئنے میں اتار لوں

علی سردار جعفری

خود کبھی موج و تلاطم سے نہ نکلے باہر
پار جو سارے زمانے کو اتار آتے ہیں

اختر امام رضوی

وہ خود تو مر ہی گیا تھا مجھے بھی مار گیا
وہ اپنے روگ مری روح میں اتار گیا

حفیظ جالندھری

آ ہی گیا وہ مجھ کو لحد میں اتارنے
غفلت ذرا نہ کی مرے غفلت شعار نے

شاد عظیم آبادی

سرائے دہر میں چھوڑا تن کثیف اپنا
یہ بوجھ سر سے مسافر ترا اتار آیا

قتیل شفائی

کچھ اس طرح جی رہا ہوں جیسے اٹھائے پھرتا ہوں لاش اپنی
جو تم ذرا سا بھی دو سہارا تو بار ہستی اتار آؤں

محسن نقوی

لبوں پہ حرفِ رجز ہے زرہ اتار کے بھی
میں جشن فتح مناتا ہوں جنگ ہار کے بھی