مرزا غالب

در پہ رہنے کو کہا، اور کہہ کے کیسا پھر گیا
جتنے عرصے میں مرا لپٹا ہوا بستر کھلا
تجھے بہانۂِ راحت ہے انتظار اے دل!
کیا ہے کس نے اشارہ کہ ناز بسترکھینچ

امام بخش ناسخ

ناتوانی سے نہیں ہے مجھے ممکن حرکت
میں ہوں حرفوں کی طرح میرا ہے بستر کاغذ

مصطفٰیٰ خان شیفتہ

یاں کانٹوں پہ بھی لوٹنے میں چین نہیں ہے
واں غیر سے ہے پھولوں کے بستر کی شکایت

باقی صدیقی

دن ہے سینے کا گھاؤ
رات ہے کانٹا بستر کا

جون ایلیا

سفر کرنا ہے آخر دو پلک بیچ
سفر لمبا ہے بسے بستر نہ رہیو
پہلو میں ہے جو میرے کہیں اور ہے وہ شخص
یعنی وفائے عہد کا بستر بھی کچھ نہیں

شکیب جلالی

وادی خواب میں اس گل کا گزر کیوں نہ ہوا
رات بھر آتی رہی جس کی مہک بستر سے

عرفان صدیقی

آنکھوں میں ہیں گزری ہوئی راتوں کے خزانے
پہلو میں وہ سرمایۂ بستر تو نہیں تھا

مصطفیٰ زیدی

اے سانس کی خوشبو لب و عارض کے پسینے
کھولا تھا مرے دوست نے بستر اسی گھر میں

جمال احسانی

سنگ کو تکیہ بنا خواب کو چادر کر کے
جس جگہ تھکتا ہوں پڑ رہتا ہوں بستر کر کے

بشیر بدر

یہ پھول مجھے کوئی وراثت میں ملے ہیں
تم نے مرا کانٹوں بھرا بستر نہیں دیکھا
اس خواب کے ماحول میں بے خواب ہیں آنکھیں
جب نیند بہت آئے گی بستر نہ ملے گا

غلام محمد قاصر

دن سے بھی اٹھاتے نہیں ہم رات کے پردے
خوابوں کے تعاقب میں ہیں بستر سے نکل کر

شاذ تمکنت

شکن شکن تری یادیں ہیں میرے بستر کی
غزل کے شعر نہیں کروٹیں ہیں شب بھر کی

کیف بھوپالی

اے کیفؔ جاگتے تجھے پچھلا پہر ہوا
اب لاش جیسے جسم کو بستر میں ڈال دے