انشاء اللہ خان انشا

مہاراجوں کے راجہ اے جنوں ڈنڈوت ہے تم کو
یہی اب دل میں آتا ہے کوئی پوتھی رقم کیجے

بہادر شاہ ظفر

تصور سے لبِ لعلیں کے تیرے ہم اگر رو دیں
تو جو لختِ جگر آنکھوں سے نکلے اک رقم نکلے
اللٰہ رے ترا رعب کہ احوال دل اپنا
دے دیتے ہیں ہم کر کے رقم کہہ نہیں سکتے

داغ دہلوی

غرض کیا کہ سمجھیں مرے خط کا مضموں
وہ عنوان و طرز رقم دیکھتے ہیں

مصطفٰی خان شیفتہ

نہ لکھا خط کہ خطِ پیشانی
مجھ کو ہنگامِ رقم یاد آیا

مومن خان مومن

پڑا ہی مرنا بس اب تو ہم کو جو اس نے خط پڑھ کے نامہ بر سے
کہا کہ گر سچ یہ حال ہوتا تو دفتر اتنا رقم نہ ہوتا

فیض احمد فیض

اجل کے ہاتھ کوئی آ رہا ہے پروانہ
نہ جانے آج کی فہرست میں رقم کیا ہے

مرزا رفیع سودا

مٹا جائے ہے حرف حرف آنسوؤں سے
جو نامہ اسے کر رقم دیکھتے ہیں

باقی صدیقی

تو قادرِ مطلق ہے یہی وصف ہے کم کیا
آگے کرے اک بندہ ناچیز رقم کیا
ڈھونڈتے پھرتے ہیں عنواں کوئی
کر کے افسانہ رقم دیوانے
لوح آزاد ہے قلم آزاد
پھر بھی کچھ حادثے رقم نہ ہوئے

قمر جلالوی

قاصد یہ جواب ان کا ہے کس طرح یقین ہو
تو اور بیاں کرتا ہے خط میں ہے رقم اور

عرفان صدیقی

خطوں میں کچھ تو قرینہ ہو دل نوازی کا
کوئی تو حرفِ شکایت رقم کریں دونوں

ادا جعفری

وہ دل جو خاک ہوئے آج تک دھڑکتے ہیں
رہِ وفا ترے معجز رقم کو پہچانے

احمد راہی

سنا رہے ہیں جہاں کو حدیث دار و رسن
حکایت قد و گیسو رقم نہیں کرتے

عزیز حامد مدنی

میں اور تیرے بندِ قبا کی حدیث عشق
نا دیدہ خواب عشق کئی بے رقم گئے
صلیب و دار کے قصے رقم ہوتے ہی رہتے ہیں
قلم کی جنبشوں پر سر قلم ہوتے ہی رہتے ہیں

ناصر کاظمی

درد کے تار ملنے تو دے ہونٹ ہلنے تو دے
ساری باتیں کریں گے رقم صبر کر صبر کر