انشاء اللہ خان انشا

اب آپ کی دموں میں ہم آ چکے ہٹو بھی
خوش آوے پیارے کس کو جب دل ہی کٹ رہے ہوں
آتے تھے ساتھ میرے دیکھو تو کیا ہوئے وہ
ایسا نہ ہو کہ پیچھے رشتہ میں کٹ رہے ہوں

شکیب جلالی

یا اتنا سخت جان کہ تلوار بے اثر
یا اتنا نرم دل کہ رگِ گل سے کٹ گیا

عرفان صدیقی

بس اک امید پہ ہم نے گزار دی اک عمر
بس ایک بوند سے کہسار کٹ گیا آخر

بشیر بدر

نہ کوئی خوشی نہ ملال ہے کہ سبھی کا ایک سا حال ہے
ترے سکھ کے دن بھی گزر گئے مری غم کی رات بھی کٹ گئی

سیف الدین سیف

کیا منزلِ غم سمٹ گئی ہے
اک آہ میں راہ کٹ گئی ہے
پہلو میں یہ کیسا درد اٹھا ہے
یہ کون سی راہ کٹ گئی ہے
اٹھ اٹھ کے مریضِ غم نے پوچھا
کیا ہجر کی رات کٹ گئی ہے
رخ پہ یوں جھوم کر وہ لٹ جائے
خضر دیکھے تو عمر کٹ جائے

اختر ہوشیارپوری

وہ پیڑ تو نہیں تھا کہ اپنی جگہ رہے
ہم شاخ تو نہیں تھے مگر پھر بھی کٹ گئے

احمد فراز

اب دل میں فراز کون آئے
دنیا سے یہ شہر کٹ گیا ہے
میری طرح تو نے شبِ ہجراں نہیں کاٹی
میری طرح اس تیغ پہ کٹ کر نہیں دیکھا

قتیل شفائی

چوروں کا احتساب نہ اب تک ہوا قتیلؔ
جو ہاتھ بے قصور تھا وہ ہاتھ کٹ گیا