انشاء اللہ خان انشا

پوچھا کسی نے مجھ کو ان سے کہ کون ہے یہ
تو بولے ہنس کے یہ بھی ہے اک غلام میرا
اک نگہ پر بکے ہے انشاؔ آج
مفت میں مول اک غلام تو لو
لگے کہنے آب مائع تجھے ہم کہا کریں گے
کہیں ان کے گھر سے بڑھ کر جو پھرا غلام الٹا
تمہارے ہاتھوں کی انگلیوں کی یہ دیکھو پوریں غلام تیسوں
غرض کہ غش ہے اگر نہ مانو تو جھٹ اٹھا لے کلام تیسوں
میں کہا میں غلام ہوں بولا
جانیں ہیں خوب اس غلام کو ہم

داغ دہلوی

یا رب ہے بخش دینا بندے کو کام تیرا
محروم رہ نہ جائے کل یہ غلام تیرا
داغؔ ہے بد چلن تو ہونے دو
سو میں ہوتا ہے اک غلام خراب
ہر اک سے کہتے ہیں کیا داغؔ بے وفا نکلا
یہ پوچھے ان سے کوئی وہ غلام کس کا تھا
اس بت کے ہمیں نہیں ہیں بندے
مخلوق غلام ہو گئی ہے

شیخ ابراہیم ذوق

قمر ہی داغ غلامی فقط نہیں رکھتا
وہ مول ایسے ہزاروں غلام لیتے ہیں

مصحفی غلام ہمدانی

تو جو کہتا ہے مصحفیؔ ادھر آ
مصحفیؔ کیا غلام ہے تیرا

مومن خان مومن

لکھو سلام غیر کے خط میں غلام کو
بندے کا بس سلام ہے ایسے سلام کو
ہو کے یوسف جو دل چراتے ہو
کون ہو جائے گا غلام مرا

باقی صدیقی

ہر آہِ پر نظر ہے عم صبح و شام کی
پہلی سی بات اب نہیں تیرے غلام کی

جون ایلیا

شہر کی داستاں نہ پوچھ ہے یہ عجیب داستاں
آنے سے شہریار کے شہر غلام ہو گیا

جگر مراد آبادی

اسی کائنات میں اے جگرؔ کوئی انقلاب اٹھے گا پھر
کہ بلند ہو کے بھی آدمی ابھی خواہشوں کا غلام ہے