انشاء اللہ خان انشا

گلی سے تیری جو ٹک ہو کے آدمی نکلے
تو اس کے سایہ سے جھٹ بن کے اک پری نکلے
صدقہ ہوتا ہوں جس گھڑی مجھ کو
یاد آتی ہے اس پری کی قسم
بنک کی جلوہ‌ گری پر غش ہوں
یعنی اس سبز پری پر غش ہوں

بہادر شاہ ظفر

کافر تجھے اللہ نے صورت تو پری دی
پر حیف ترے دل میں محبت نہ ذری دی
صیاد نے دی رخصت پرواز پر افسوس
تو نے نہ اجازت مجھے بے بال و پری دی

داغ دہلوی

دم اخیر تصور ہے کس پری وش کا
کہ میری روح بھی بن کر پری نکلتی ہے
صنم کدے میں بھی ہے حسن اک خدائی کا
کہ جو نکلتی ہے صورت پری نکلتی ہے

مصحفی غلام ہمدانی

آئینے میں دیکھیے مکھڑا میاں
آئینے کو رشک پری کیجیے
آہ دیکھی تھی میں جس گھر میں پری کی صورت
اب نظر آئے ہے واں نوحہ گری کی صورت
یہ دل وہ شیشہ ہے جھمکے ہے وہ پری جس میں
بھرا ہے موئے بہ مو سحرِ سامری جس میں
اچھی صورت کا ہوں میں دیوانہ
نے مجھے حور نے پری کا عشق
جو پری بھی روبرو ہو تو پری کو میں نہ دیکھوں
مری آنکھیں بند کر دو کہ کسی کو میں نہ دیکھوں
نہ کمال اوج سے تو گرا کبھی فکرِ شعر میں مصحفیؔ
غزل اور بھی کہی تو نے گر وہی تیری تیز پری رہی

مومن خان مومن

وحشت ہے عشق پردہ نشیں میں دم بکا
منہ ڈھانکتے ہیں پردۂ چشم پری سے ہم

مرزا رفیع سودا

آئینہ خانے میں وہ جس وقت آن بیٹھے
پھر جس طرف کو دیکھو جلوہ ہے واں پری کا

قمر جلالوی

میں قفس کو توڑ کے کیا کروں مجھ رات دن یہ خیال ہے
یہ بہار بھی یوں ہی جائے گی جو یہی شکستہ پری رہی

عرفان صدیقی

دل اگر لہر میں آئے تو اڑا کر لے جائے
عشق میں شکوۂ بے بال و پری آخر کیوں