مرزا غالب

دے وہ جس قد ر ذلت ہم ہنسی میں ٹالیں گے
بارے آشنا نکلا، ان کا پاسباں، اپنا
بے در و دیوار سا اک گھر بنایا چاہیے
کوئی ہم سایہ نہ ہو اور پاسباں کوئی نہ ہو
گدا سمجھ کے وہ چپ تھا، مری جو شامت آئے
اٹھا اور اٹھ کے قدم میں نے پاسباں کے لیے

داغ دہلوی

تنہا بھی جب رہے تو وہ رہتے ہیں‌ہوشیار
خود اپنے پاسباں‌ ہیں اگر پاسباں نہیں
فرصت کہاں کہ ہم سے کسی وقت تو ملے
دن غیر کا ہے رات ترے پاسباں کی ہے

مصحفی غلام ہمدانی

کیوں در پہ رہیں ہمیشہ بیٹھے
کچھ آپ کے پاسباں نہیں ہم
سازش کسی ڈھب سے کر بھی لیجے
اس در پہ جو ہووے پاسباں ایک
اے دل بے جرأت اتنی بھی نہ کر بے جرأتی
جز صبا اس گل کا اس دم پاسباں کوئی نہیں

مصطفٰی خان شیفتہ

جو کوئے دوست کو جاؤں تو پاسباں کے لیے
نہیں ہے خواب سے بہتر کچھ ارمغاں کے لیے
ہم زمرۂِ رقیب میں مل کر وہاں گئے
جب شوق رہ نما ہو کوئی پاسباں نہیں
آتا ہوں میں وہیں سے ذرا صبر شیفتہ
سونے کے قصد میں بھی نہیں پاسباں ہنوز

میر مہدی مجروح

سنے گر طالعِ خفتہ کا قصہ
تو نیند آ جائے چشم پاسباں میں