انشاء اللہ خان انشا

یا وصل میں رکھیے مجھے یا اپنی ہوس میں
جو چاہیے سو کیجیے ہوں آپ کے بس میں

شیخ ابراہیم ذوق

گئیں یاروں سے وہ اگلی ملاقاتوں کی سب رسمیں
پڑا جس دن سے دل بس میں ترے اور دل کے ہم بس میں
کبھی ملنا کبھی رہنا الگ مانند مژگاں کے
تماشہ کج سرشتوں کا ہے کچھ اخلاص کے بس میں

باقی صدیقی

الٹی بساط میکدہ، جام ہوس چلے
ساقی کا خون پی لیں جورندوں کا بس چلے
باقیؔ یہ اختلاف یہ نفرت یہ حادثے
ہم تو نہ ہوں جہاں میں جو دنیا کا بس چلے
زندگی کا نشاں کہیں ملتا
اک نیا شہر بس گیا تو کیا
کس کے جہاں میں بس رہے ہیں
کس کے لیے ترس رہے ہیں
رنگ میں زندگی کو ڈھالیں
رنگ میں آپ بس رہے ہیں
درد کا ماحصل ہے تعمیر
اجڑے تھے آج بس رہے ہیں
ہم کس کے جہاں میں بس رہے ہیں
جینے کے لیے ترس رہے ہیں
کس رنگ میں زندگی کو ڈھالیں
ہر رنگ مں ی آپ بس رہے ہیں

جون ایلیا

کون سے شوق کس ہوس کا نہیں
دل مری جان تیرے بس کا نہیں
مجھ کو خود سے جدا نہ ہونے دو
بات یہ ہے میں اپنے بس کا نہیں

عرفان صدیقی

میں کارِ عشق سے ترکِ وفا سے باز آیا
سب اس کے ہاتھ میں ہے میرے بس میں کچھ بھی نہیں
سپردگی میں بھی انداز دسترس کا ہے
یہ کاروبارِ محبت اسی کے بس کا ہے