انشاء اللہ خان انشا

کیا پوچھتے ہو عمر کٹی کس طرح اپنی
جز درد نہ دیکھا کبھو اس تیس برس میں

باقی صدیقی

باقیؔ وہی تپش ہے وہی رنگ و بو کی پیاس
کہنے کو جھوم جھوم کے بادل برس چلے
ابر گلشن برس گیا تو کیا
کوئی سوئے قفس گیا تو کیا
یہ ترے قہقہوں کی آواز
پھول گویا برس رہے ہیں
آئی ترے قہقہوں کی آواز
یہ پھول کہاں برس رہے ہیں
شبنم کی طرح اڑے ہیں باقیؔ
بادل کی طرح برس رہے ہیں

جون ایلیا

کیا لڑائی بھلا کہ ہم میں سے
کوئی بھی سینکڑوں برس کا نہیں

شکیل بدایونی

کسی کی بے اعتنائیوں نے بدل ہی ڈالا نظامِ گلشن
جو بات پہلے بہار میں تھی وہ بات اب کے برس نہیں ہے

شاذ تمکنت

کوئی یہ کہہ دے مری آرزو کے موتی سے
صدف صدف کی قسم ہے برس رہا ہوں میں