انشاء اللہ خان انشا

سبزۂِ نو دمیدہ نے مارا
گرد رخسار جال بوسے کا
زلف کہتی ہے اس کے مکھڑے پر
ہم نے مارا ہے جال بوسے کا
زلف کہتی ہے اوس کے مکھڑے پر
ہم نے مارا ہے جال بوسہ کا

حیدر علی آتش

لاتی ہے واں قضا و قدر مرغ روح کو
پانی جہاں قفس کا ہے دانہ ہے جال کا

مصحفی غلام ہمدانی

بند رومی ہے سمور اس کے پہ کام آں روزوں
دیکھنے میں کبھی آئی نہ تھی اس جال کی کھال
مذکور زلف ہے مرے دیواں میں سر بسر
ہر صفحہ اس کا کیوں نہ بنے جال کی کتاب
وہ صید ہوں میں رہے ہے جس کے
اندیشے کا سر پہ جال دن رات

باقی صدیقی

حسیں حسیں نظر آتے ہیں آرزوؤں کے جال
نئی نئی ہے محبت، جواں جواں ہیں خیال

رئیس فروغؔ

سفر سے لوٹ کے آئے تو دیکھتے ہیں فروغؔ
جہاں مکاں تھا وہاں راستوں کا جال سا ہے

غلام محمد قاصر

سوتے ہیں وہ آئینہ لے کر خوابوں میں بال بناتے ہیں
سادہ سے پرندے کی خاطر کیا ریشمی جال بناتے ہیں

ماجد صدیقی

میں مقید ہوں اپنی سوچوں کا
بن لیا میں نے شش جہت اک جال

تلوک چند محروم

طائرِ دل کے لیے زلف کا جال اچھا ہے
حیلہ سازی کے لیے دانۂ خال اچھا ہے

احمد فراز

ہم کہ دونوں کے گرفتار رہے ، جانتے ہیں
دامِ دنیا سے کہیں زلف کا جال اچھا ہے
تلخ نوائی کا مجرم تھا صرف فراز
پھر کیوں سارے باغ پہ جال پڑا لوگو
ہم آ گئے ہیں تہِ دام تو نصیب اپنا
وگرنہ اس نے تو پھینکا تھا جال ویسے ہی
اس منظر سادہ میں کئی جال بندھے تھے
جب اس کا گریبان کھلا بال بندھے تھے