انشاء اللہ خان انشا

ٹک کیجے چشم دل سے یاں سیر میکدے کی
ہے گا عجب مزے کا پیرِ مغاں تماشا
غزل مستی میں لکھ اک اور بھی انشاؔ کہ تا تیرے
بلائیں آ کے ساقی لے تجھے پیرِ مغاں لپٹے
نشا ہے عالم مستی ہے بے قیدی ہے رندی ہے
کہاں اب زہد و تقویٰ ہے خرابات مغاں اور ہم

حیدر علی آتش

بہار آئی ہے نشہ میں جھومتے ہیں
مریدان پیرِ مغاں کیسے کیسے
کیا ہے کس نے طریق سلوک سے آگاہ
مرید کس کا ہے پیرِ مغاں نہیں معلوم

داغ دہلوی

کبھی تو صلح بھی ہو جائے زہد و مستی میں
الٰہی شیخ بھی مے خوار ہو مغاں کی طرح

مصطفٰی خان شیفتہ

ہماری نظم میں ہے شیفتہؔ وہ کیفیت
کہ کچھ رہی نہ حقیقت مئے مغاں کے لیے
مے خانے میں تمام جوانی بسر ہوئی
لیکن ملا نہ منصب پیرِ مغاں ہنوز

مومن خان مومن

ہوتا ہے اس جحیم میں حاصل وصال جور
مومنؔ عجب بہشت ہے دیر مغاں نہ چھوڑ

جگر مراد آبادی

بڑھ کے رندوں نے قدم حضرتِ واعظ کے لیے
گرتے پڑتے جو در پیرِ مغاں تک پہنچے

سراج الدین ظفر

میں نے کہا کہ اور کوئی پند خوش گوار
اس نے کہا کہ خدمت پیرِ مغاں کرو
غلط ہے ہم نفسو ان کا زندگی میں شمار
جو دن بخدمت پیرِ مغاں نہیں گزرے

مجید امجد

در پیرِ مغاں ہے اور میں ہوں
وہی رطلِ گراں ہے اور میں ہوں

الطاف حسین حالی

یا کھینچ لائے دہر سے رندوں کو اہلِ وعظ
یا آپ بھی ملازم پیرِ مغاں رہے

جوش ملیح آبادی

آنکھیں لبریز ہیں سبو خالی
کون پیر مغاں ہے کیا معلوم

احمد فراز

فقیہِ شہر کی مجلس نہیں کہ دور رہو
یہ بزم پیرِ مغاں ہے قریب آ جاؤ

امیر مینائی

شہزادے دختِ رز کے ہزاروں ہی خواستگار
چپ مرشدِ مغاں ہے کسے دوں کسے نہ دوں

کلیم عاجز

ترجماں اپنا بنایا ہے مجھے رندوں نے
کاش آواز مری پیرِ مغاں تک پہنچے

مجروح سلطان پوری

میں تو جب جانوں کہ بھر دے ساغر ہر خاص و عام
یوں تو جو آیا وہی پیرِ مغاں بنتا گیا