مرزا غالب

رگِ سنگ سے ٹپکتا وہ لہو کہ پھر نہ تھمتا
جسے غم سمجھ رہے ہو، یہ اگر شرار ہوتا

امام بخش ناسخ

گئی ہے کیسی زمانے سے رسم سرگرمی
عجب نہیں ہے جو پتھر میں بھی شرار نہ ہو
کبھی نہ قطرہ دیا تو نے ساقیا مجھ کو
ادھر نہ آتش مے کا کوئی شرار آیا
مثال سنگِ گراں جاں نہیں جو بیٹھ رہوں
کہ اس جہان میں ہوں صورت شرار آیا

شیخ ابراہیم ذوق

ہنگامہ گرم ہستی نا پائیدار کا
چشمک ہے برق کی کہ تبسم شرار کا

مصطفٰی خان شیفتہ

نہ جلا خانۂِ عدو تو نہ ہنس
شعلۂِ آہ ہے شرار نہیں

باقی صدیقی

جلتی ہے جو شہر شہر باقیؔ
اس آگ کا اک شرار ہیں ہم
باقیؔ کبھی جلی تھیں محبت کی بستیاں
راہوں میں اڑ رہے ہیں ابھی تک شرار سے
دھیان میں آئی زندگی باقیؔ
رقص میں اک شرار کو دیکھا
بارہا وقت نے دیے باقیؔ
پھول کے رنگ میں شرار ہمیں

شکیب جلالی

کیوں رو رہے ہو راہ کے اندھے چراغ کو!
کیا بجھ گیا ہوا سے لہو کا شرار بھی؟
ملا نہیں اذنِ رقص جن کو‘ کبھی تو وہ بھی شرار دیکھو
اگر ہو اہلِ نگاہِ یارو‘ چٹان کے آرپار دیکھو

عرفان صدیقی

اکثر اکثر نظر آ جاتا ہے مہتاب کا کھیل
چھپ گیا ہے مری مٹی میں شرار دنیا