انشاء اللہ خان انشا

رخ خال و زلف و خط لب دنداں ذقن زنخداں
اس کے ہیں اپنے دشمن انشاؔ ہر آن آٹھوں
دیکھنا جب مجھے کر شان یہ گالی دینا
کس سے تم سیکھے ہو ہر آن یہ گالی دینا
لب پہ آئی ہوئی یہ جان پھرے
یار گر اس طرف کو آن پھرے

بہادر شاہ ظفر

سب رنگ میں اس گل کی مرے شان ہے موجود
غافل تو ذرا دیکھ وہ ہر آن ہے موجود

داغ دہلوی

رونق جو آ گئی پسینے سے موت کے
پانی ترے مریض پر اک آن پھر گیا
وہ چھلاوا اس آن سے نکلا
الاماں ہر زبان سے نکلا

شیخ ابراہیم ذوق

نگہ کا وار تھا دل پر پھڑکنے جان لگی
چلی تھی برچھی کسی پر کسی کے آن لگی
کسی کی کاوش مژگاں سے آج ساری رات
نہیں پلک سے پلک میری ایک آن لگی
تباہ بحر جہاں میں تھی اپنی کشتی عمر
سو ٹوٹ پھوٹ کے بارے کنارے آن لگی
دریائے اشک چشم سے جس آن بہہ گیا
سن لیجیو کہ عرش کا ایوان بہہ گیا

مصحفی غلام ہمدانی

دل کی بے چینی سے میں سخت بتنگ آیا ہوں
چین پڑتا ہی نہیں ہے اسے اک آن کہیں
کھیل جاتے ہیں جان پر عاشق
جان دیتے ہیں آن پر عاشق

مومن خان مومن

نہ انتظار میں یاں آنکھ ایک آن لگی
نہ ہائے ہائے میں تالو سے شب زبان لگی
جلا جگر تپ غم سے پھڑکنے جان لگی
الٰہی خیر کہ اب آگ پاس آن لگی
وہ کینہ توز تھا مومنؔ تو دل لگایا کیوں
کہو تو کیا تمہیں ایسی بھلی وہ آن لگی