انشاء اللہ خان انشا

طواف حرم تجھ کو زاہد مبارک
مرا اور تیرا نہیں ساتھ رہ کا
رقیبوں کے دل چاک مثل کتاں ہوں
گزار اس طرف ہو اگر اپنے رہ کا
فقیرانہ ہے دل مقیم اس کی رہ کا
غرض کیا کہ محتاج ہو بادشہ کا

باقی صدیقی

برا ہو اے دل حساس تیرا
بہت دنیا سے پیچھے رہ گئے ہم
لبوں کو کھول کر یوں رہ گئے ہم
نہ کہنے پر بھی سب کچھ کہہ گئے ہم

عبدالحمید عدم

تہی سا جام تو تھا گر کے بہہ گیا ہو گا
مرا نصیب ازل میں ہی رہ گیا ہو گا
قریب کعبہ پہنچ کر عدمؔ کو مت ڈھونڈو
وہ حیلہ جو کہیں رستے میں رہ گیا ہو گا

زہرا نگاہ

دفتر منصب دونوں ذہن کو کھا لیتے ہیں
گھر والوں کی قسمت میں تن رہ جاتا ہے

شاد عظیم آبادی

شب کو مری چشم حسرت کا سب دردِ دل ان سے کہہ جانا
دانتوں میں دبا کر ہونٹ اپنا کچھ سوچ کے اس کا رہ جانا
مے خانہ میں آنا زاہد کا پھر در پہ ٹھٹک کر رہ جانا
ساقی کے اشاروں کا مستوں کچھ کان میں سب کے کہہ جانا
شب کو وہ ہتھیلی سے ان کا شرما کے چھپانا آنکھوں کو
برچھی کا ادا کی چل جانا اس تیرِ نظر کا رہ جانا

شکیل بدایونی

ہر لمحۂ سر خوشی میں اکثر
دو اشک بہا کے رہ گیا ہوں

محبوب خزاں

خواب میں جیسے جان چھڑا کر بھاگ نہ سکنے والے
بھاگیں اور وہیں رہ جائیں ہم بھی پاگل تم بھی