انشاء اللہ خان انشا

تو گروہ فقرا کو نہ سمجھ بے جبروت
ذات مولیٰ میں یہی لوگ سما سکتے ہیں

حیدر علی آتش

نہ ہو گا ہم سفر روح پیکر خاکی
یہ سوئے ارض رواں ہو گا وہ سما کی طرف
بے وجہ ہر دم آئنہ پیشِ نظر نہیں
سمجھے ہم آپ آنکھوں میں اپنی سما چکے

مومن خان مومن

اٹھا نہ ضعف سے گل داغ جنوں کا بوجھ
قاروں کی طرح ہم بھی زمیں میں سما گئے
آتی نہیں بلائے شبِ غم نگاہ میں
کس مہروش کا جلوہ نظر میں سما گیا

یگانہ چنگیزی

کروں تو کس سے کروں درد نارسا کا گلہ
کہ مجھ کو لے کے دل دوست میں سما نہ گیا

باقی صدیقی

اک آئینہ نظر میں سما کر چلا گیا
تصویر میری مجھ کو دکھا کر چلا گیا
وہ سہارا دے رہے ہیں میرے احساسات کو
اب محبت دونوں عالم میں سما سکتی نہیں

جگر مراد آبادی

آنکھوں میں بس کے دل میں سما کر چلے گئے
خوابیدہ زندگی تھی جگا کر چلے گئے
رگ رگ میں اس طرح وہ سما کر چلے گئے
جیسے مجھی کو مجھ سے چرا کر چلے گئے
سلام اس پہ کہ جس نے اٹھا کے پردۂ دل
مجھی میں رہ کے مجھی میں سما کے لوٹ لیا

خواجہ میر درد

ارض و سما کہاں تری وسعت کو پا سکے
میرا ہی دل ہے وہ کہ جہاں تو سما سکے

عرفان صدیقی

جب بال و پر نہیں ہیں تو ہوا پر نہ جائیے
آندھی میں سیر ارض و سماء پر نہ جائیے

مجید امجد

اک وہ کہ جن کی فکر ہے ارض و سما شکار
اک تو کہ ہے طلسمِ شب و روز کا شکار

ادا جعفری

عمر تمام کاٹ دی حسرت کاخ و کو لیے
میرے تمہارے سامنے ارض و سما بھی کیوں کھلے

عبید اللہ علیم

محبتیں بھی عجب اس کی نفرتیں بھی کمال
مری ہی طرح کا مجھ میں سما گیا اک شخص
صاحب مہر و وفا ارض و سما کیوں چپ ہے
ہم پہ تو وقت کے پہرے ہیں خدا کیوں چپ ہے

جوش ملیح آبادی

پیش نظر ہے پست و بلند رہ جنوں
ہم بے خودوں سے قصۂ ارض و سما نہ پوچھ

حسرت موہانی

اس نے دیکھا تھا کس نظر سے مجھے
دل میں گویا سما گئیں آنکھیں

فراق گورکھپوری

حسنِ نظر فریب میں کس کو کلام تھا مگر
تیری ادائیں آج تو دل میں سما کے رہ گئیں

ناصر کاظمی

یہ کس خوشی کی ریت پر غموں کو نیند آ گئی
وہ لہر کس طرف گئی یہ میں کہاں سما گیا
کوئی دیکھے تو دکھاؤں ناصر
وسعتِ ارض و سما ہے دل میں