انشاء اللہ خان انشا

گرچہ ہیں مونس و غم خوار تگ و دو میں سہی
پر تری طبع کو کب راہ پہ لا سکتے ہیں

حیدر علی آتش

کیا کیا نہ رنگ تیرے طلب گار لا چکے
مستوں کو جوش صوفیوں کو حال آ چکے

مصحفی غلام ہمدانی

اگر گردشیں آسماں کی یہی ہیں
تو ہم کو بھی گردش میں لا کر رہیں گی

مومن خان مومن

اس کی گلی کہاں یہ تو کچھ باغ خلد ہے
کس جاے مجھ کو چھوڑ گئی موت لا کے ساتھ

باقی صدیقی

عقل نے اوہام یوں رستے میں لا کر دکھ دیے
زندگی دنیا کو اک مرکز پہ لا سکتی نہیں

جگر مراد آبادی

چہرے تک آستین وہ لا کر چلے گئے
کیا راز تھا کہ جس کو چھپا کر چلے گئے

خواجہ میر درد

قاصد نہیں یہ کام ترا اپنی راہ لے
اس کا پیام دل کے سوا کون لا سکے
مستِ شراب عشق وہ بے خود ہے جس کو حشر
اے دردؔ چاہے لائے بہ خود پر نہ لا سکے

عبدالحمید عدم

ترا تبسم فروغ ہستی تری نظر اعتبار مستی
بہار اقرار کر رہی ہے شراب ایمان لا رہی ہے
دل ڈوب نہ جائیں پیاسوں کے تکلیف ذرا فرما دینا
اے دوست کسی مے خانے سے کچھ زیست کا پانی لا دینا
ساقی شراب لا کہ طبیعت اداس ہے
مطرب رباب اٹھا کہ طبیعت اداس ہے
توبہ تو کر چکا ہوں مگر پھر بھی اے عدمؔ
تھوڑا سا زہر لا کہ طبیعت اداس ہے
ہر چیز دستیاب ہے بازار میں عدمؔ
جھوٹی خوشی خرید کے لا دیجیے مجھے

رئیس فروغؔ

فصل تمہاری اچھی ہو گی جاؤ ہمارے کہنے سے
اپنے گاؤں کی ہر گوری کو نئی چنریا لا دینا

عالم تاب تشنہ

حد ہو گئی تھی ہم سے محبت میں کفر کی
جیسے خدا نخواستہ وہ لاشریک تھا

ماجد صدیقی

وہ کہ مثال مہر ہے، وہ کہ ہے رشکِ ماہ بھی
اے مرے نطق و لب کی ضو! سامنے اس کے لا مجھے

حفیظ جالندھری

حفیظؔ اپنے پرائے بن رہے ہیں
کہ میں دل کو زباں پہ لا رہا ہوں

سیف الدین سیف

اب وہ دل ہی نہیں وہ غم ہی نہیں
آرزو لا سکو تو آ جاؤ

سیماب اکبر آبادی

خودی کو راہ خدائی پہ لا رہا ہے کوئی
ابھی دماغ بشر آزما رہا ہے کوئی

شاد عظیم آبادی

وہ مے کدہ ہے نہ ساقی ہے کچھ نہ پوچھو شادؔ
میں کس کے گھر میں پیوں کس کے گھر سے لا کے پیوں

شکیل بدایونی

لب تک شکایت غمِ دل لا کے رہ گیا
ان کی ندامتوں پہ میں شرما کے رہ گیا