انشاء اللہ خان انشا

ادب گر حضرت جبریل کا مانع نہ ہو مجھ کو
تو شاخ سدرہ سے میرے یہ آہ ناتواں لپٹے

حیدر علی آتش

اس دل ربا کے کوچہ میں آگے ہوا سے جائے
اتنی تو جان اب بھی تن ناتواں میں ہے
توجہ نے تیری ہمارے مسیحا
توانا کیے ناتواں کیسے کیسے

داغ دہلوی

جھکی ہی جاتی ہے کچھ خودبخود حیا سے وہ آنکھ
گری ہی پڑتی ہے بیمار ناتواں کی طرح

مصحفی غلام ہمدانی

باغ تک جاتے ہاں اگر پاتے
طاقت اس جسم ناتواں میں ہم
ہر چند کہ وہ جواں نہیں ہم
اتنے بھی تو ناتواں نہیں ہم
مصحفیؔ بھر چلا وہ ریش و بروت
ہوئے جس پیر ناتواں کی چال
آہستہ کہ قافلے کے پیچھے
آتا ہے غریب ناتواں ایک

مصطفٰی خان شیفتہ

شکایت کی بھی اب طاقت کہاں ہے
نگاہ حسرت آہ ناتواں ہے

میر انیس

ابتدا سے ہم ضعیف و ناتواں پیدا ہوئے
اڑ گیا جب رنگِ رخ سے استخواں پیدا ہوئے

یگانہ چنگیزی

اٹھ اٹھ کے بیٹھ جاتا ہے بانگ جرس پہ دل
دیکھ اے فلک یہ حوصلے اس ناتواں کے ہیں

قمر جلالوی

یادِ شباب یوں ہے دلِ ناتواں سے دور
جیسے کوئی غریب مسافر مکاں سے دور

جلیل مانک پوری

کیا برابر کا جوڑ ہے یہ جلیلؔ
یار نازک ہے ناتواں تو ہے

حسرت موہانی

اے یاد یار دیکھ کہ باوصف رنج ہجر
مسرور ہیں تری خلش ناتواں سے ہم

فانی بدایونی

تجھے خبر ہے ترے تیر بے پناہ کی خیر
بہت دنوں سے دلِ ناتواں نہیں ملتا

امیر مینائی

شمشیر ہے سناں ہے کسے دوں کسے نہ دوں
اک جانِ ناتواں ہے کسے دوں کسے نہ دوں