انشاء اللہ خان انشا

ہنسے بولے رہے مشغول اپنے جس طرح چاہا
ادھر لپٹے ادھر سوئے یہاں چمٹے وہاں لپٹے

بہادر شاہ ظفر

خدا کے واسطے اے ہمدمو نہ بولو تم
پیام لایا ہے کیا نامہ بر وہاں سے سنو

حیدر علی آتش

بے خبر شوق سے میرے نہیں وہ نورِ نگاہ
قاصد اشک شب و روز وہاں ہے کہ جو تھا

داغ دہلوی

جاں بر بھی ہو گئے ہیں بہت مجھ سے نیم جاں
کیا غم ہے اے طبیب جو پوری وہاں کی ہے

مصطفٰی خان شیفتہ

لازم ہے یار بھی تو ہو بیتاب ورنہ کیا
وہ عشق ہے کہ رنج یہاں ہو وہاں نہ ہو

میر مہدی مجروح

نہ یہاں اور نہ اب وہاں ہوں میں
کیا بتاؤں تمہیں جہاں ہوں میں

باقی صدیقی

دشت دیکھے ہیں گلستاں دیکھے
تیرے جلوے یہاں وہاں دیکھے

جون ایلیا

ابھی فرمان آیا ہے وہاں سے
کہ ہٹ جاؤں میں اپنے درمیاں سے
ہم تو جیسے وہاں کے تھے ہی نہیں
بے اماں تھے اماں کے تھے ہی نہیں
دیکھا تھا جب کہ پہلے پہل اس نے آئینہ
اس وقت میں وہاں نہ ہوا کچھ نہیں ہوا
میں ہواؤں سے کیسے پیش آؤں
یہی موسم ہے کیا وہاں جاناں
تو جہاں تھا جہاں جہاں تھا کبھی
تو بھی اب تو نہیں وہاں چپ رہ

قمر جلالوی

تو کہتا ہے قبضہ ہے یہاں میرا وہاں میرا
تو پھر انصاف ہو گا اے بتِ خودِ سر کہاں میرا
قیامت اب جہاں ہو گی ستم تیرا باں ہو گا
یہاں ہو گی یہاں ہو گا، وہاں ہو گی وہاں ہو گا
دیر و حرم سے ان کا برابر ہے فاصلہ
جتنے یہاں سے دور ہیں اتنے وہاں سے دور
عبث ہے حشر کا وعدہ ملے بھی تم تو کیا حاصل
یہ سنتے ہیں کہ پہچانا نہیں جاتا وہاں کوئی

مجید امجد

یہ میرا دامنِ صد چاک، یہ ردائے بہار
یہاں شراب کے چھینٹے ، وہاں گلاب کے پھول

ادا جعفری

تشنگی بے بسی لب دریا
میری پہچان ہی وہاں سے ہوئی

بشیر بدر

میں کیا دکھاؤں مرے تار تار دامن میں
نہ کچھ یہاں کے لئے ہے نہ کچھ وہاں کے لئے

علی سردار جعفری

میں جہاں تم کو بلاتا ہوں وہاں تک آؤ
میری نظروں سے گزر کر دل و جاں تک آؤ