انشاء اللہ خان انشا

بنک کی جلوہ‌ گری پر غش ہوں
یعنی اس سبز پری پر غش ہوں

مصحفی غلام ہمدانی

کون ہے ان باتوں کا مانع میاں
خوب سی بیداد گری کیجیے
آہ دیکھی تھی میں جس گھر میں پری کی صورت
اب نظر آئے ہے واں نوحہ گری کی صورت
نہ وہ انداز نہ آواز نہ عشوہ نہ ادا
یک بہ یک مٹ گئی یوں جلوہ گری کی صورت
نہ خط آئے پر بھی کمی پڑی تری شانِ حسن میں یک ذری
وہی قد کی فتنہ گری رہی وہی رخ کی جلوہ گری رہی

فیض احمد فیض

یہ جامۂ صد چاک بدل لینے میں کیا تھا
مہلت ہی نہ دی فیض، کبھی بخیہ گری نے

جون ایلیا

آخری بت خدا نہ کیوں ٹھہرے
بت شکن بت گری کو بھول گیا

قمر جلالوی

ارماں ہو مجھے نزع میں کیا چارہ گری کا
گل کون تراشے ہے چراغِ سحری کا
اک وہ بھی ہے بیمار تری کم نظر کا
مر جائے مگر نام نہ لے چارہ گری کا
برہم ہوئے کیوں سن کے مرا حالِ محبت
شکوہ نہ تھا آپ کی بیداد گری کا
دنیا پہ قمر داغِ جگر ہے مرا روشن
لیکن نہ لیا نام کبھی چارہ گری کا
اگر صیاد یہ بجلی نشیمن پہ گری ہو گی
دھواں تنکوں سے اٹھے گا چمن میں روشنی ہو گی
مجھے علم میں تیرے جمال کا نہ خبر ہے ترے جلال کی
یہ کلیم جانے کہ طور پر تری کیسی جلوہ گری رہی

عرفان صدیقی

اک عرض ہے یہ پیرہن ناز سیامت
وحشی سے کبھی بخیہ گری کو نہیں کہتے

علی سردار جعفری

بھوکوں کی نگاہ میں ہے بجلی
یہ برق ابھی گری نہیں ہے

احمد فراز

ترا قرب تھا کہ فراق تھا وہی تیری جلوہ گری رہی
کہ جو روشنی ترے جسم کی تھی مرے بدن میں بھری رہی
مرے آشنا بھی عجیب تھے نہ رفیق تھے نہ رقیب تھے
مجھے جاں سے دردِ عزیز تھا انہیں فکر چارہ گری رہی
میں یہ جانتا تھا مرا ہنر ہے شکست و ریخت سے معتبر
جہاں لوگ سنگ بدست تھے وہیں میری شیشہ گری رہی

محبوب خزاں

خزاںؔ نہ سوچ کہ بکتی ہے کیوں بدن کی بہار
سمجھ کہ روح کی سودا گری ہے یہ دنیا

ناصر کاظمی

شور برپا ہے خانۂ دل میں
کوئی دیوار سی گری ہے ابھی
آسماں لالہِ خونیں کی نواؤں سے جگرِ چاک ہوا
قصرِ بیداد کی دیوار گری ہم نفسو شکر کرو