انشاء اللہ خان انشا

کچھ پڑ گیا ہے آنکھ میں رونا کہے ہے تو
کیوں میں عبث کو بحثوں یہی دل نشیں سہی

بہادر شاہ ظفر

یاں تک عدو کا پاس ہے ان کو کہ بزم میں
وہ بیٹھتے بھی ہیں تو مرے ہم نشیں سے دور

داغ دہلوی

اس سے کیا خاک ہم نشیں بنتی
بات بگڑی ہوئی نہیں بنتی

مصطفٰیٰ خان شیفتہ

ہمیں صورت دکھائے کیا تمنا
کہ عاشق جس کے ہیں پردہ نشیں ہے
آج ہی تیری جگہ کچھ سینہ و دل میں نہیں
مثلِ تیرِ غمزہ ظالم! دل نشیں تو کب نہ تھا
میں پریشاں گرد اور محفل نشیں تو کب نہ تھا
ہر کہیں کس دن نہ تھا میں، ہر کہیں تو کب نہ تھا
تیری ان باتوں پہ ہم طعنے اٹھاتے کب نہ تھے
اے ستم گر شیفتہ کا ہم نشیں تو کب نہ تھا

باقی صدیقی

یہ بے حجابی
پردہ نشیں ہو

جگر مراد آبادی

کچھ اس ادا سے آج وہ پہلو نشیں رہے
جب تک ہمارے پاس رہے ہم نہیں رہے

عرفان صدیقی

گدا و شاہ سے میرا تپاک ایک سا ہے
کہ کج کلاہ بھی میں‘ بوریا نشیں بھی میں
اب کسی خیمہ گہ ناز میں جاتے نہیں ہم
بیچ میں کب سے کوئی خانہ نشیں آ گیا ہے
فقیر ہوں دلِ تکیہ نشیں ملا ہے مجھے
میاں کا صدقہِ تاج و نگیں ملا ہے مجھے

رئیس فروغؔ

جانے وہ کوئی جبر ہے یا اختیار ہے
دفتر میں تھوڑی دیر جو کرسی نشیں ہوں میں
مانا مری نشست بھی اکثر دلوں میں ہے
اینجائنا کی طرح مگر دل نشیں ہوں میں

بہزاد لکھنوی

ترے جلووں سے ٹکرا کر نہیں معلوم ہوتی ہے
نظر بھی ایک موج تہ نشیں معلوم ہوتی ہے

زہرا نگاہ

محسوس ہوا کہ بات کی ہے
اور بات بھی وہ جو دل نشیں ہو

تلوک چند محروم

گیا دور عشق و جوانی ہمارا
مگر داغ حسرت ابھی دل نشیں ہے

جلیل مانک پوری

جاتے ہیں مٹاتے ہوئے وہ نقشِ قدم کو
کہہ دے کوئی ان سے کہ ہے اک خاک نشیں اور

سیماب اکبر آبادی

جس جگہ جمع ترے خاک نشیں ہوتے ہیں
غالباً سب میں نمودار ہمیں ہوتے ہیں
اعتکاف ان دنوں ہے فرض سنا ہے سیمابؔ
رمضاں آ گئے مے خانہ نشیں ہوتے ہیں

عزیز حامد مدنی

حدیث رشک رقیباں ہوئی ہے جس کی نظر
میں اور اس کی لگن ہم نشیں دروغ دروغ

احمد فراز

درد مے تھی کہ تلخی ہستی
جام میں تہہ نشیں تھا جو کچھ تھا