بہادر شاہ ظفر

کیوں کہ ہم دنیا میں آئے کچھ سبب کھلتا نہیں
اک سبب کیا بھید واں کا سب کا سب کھلتا نہیں

داغ دہلوی

مہرباں ہو کے جب ملیں گے آپ
جو نہ ملتے تھے سب ملیں گے آپ
کارواں کی تلاش کیا اے دل
آ کے منزل پہ سب ملیں گے آپ
محبت میں آرام سب چاہتے ہیں
مگر حضرت داغؔ کب چاہتے ہیں
خطا کیا ہے ان کی جو اس بت کو چاہا
خدا چاہتا ہے تو سب چاہتے ہیں

مصحفی غلام ہمدانی

شغل شراب و شیشہ و ساقی نغمہ سنج
تائب ہوئے ہیں عالم پیری میں سب سے ہم

مصطفٰیٰ خان شیفتہ

تو بھی جو میرے پاس نہ آئے تو کیا کروں
تیرے ہی پاس سے تو میں رہتا ہوں سب سے دور

باقی صدیقی

روٹھ گیا دل سب سے
آپ گئے ہیں جب سے
کون وفا کا پیکر!
ہم واقف ہیں سب سے
کیا لینا، کیا دینا
ہنس کر ملئے سب سے
کیوں زیست کے منتظر ہو باقیؔ
آتا نہیں یہ پیام سب تک

شکیب جلالی

روشن ہیں دل کے داغ، نہ آنکھوں کے شب چراغ
کیوں شام ہی سے بجھ گئے محفل کے سب چراغ

عرفان صدیقی

دکھا رہا ہے کسے وقت ان گنت منظر
اگر میں کچھ بھی نہیں ہوں تو پھر یہ سب کیا ہے
زمیں پر شورِ محشر روز و شب ہوتا ہی رہتا ہے
ہم اپنے گیت گائیں یہ تو سب ہوتا ہی رہتا ہے

رئیس فروغؔ

جان سے لے کے بدن تک پیارے
آدمی عشق میں سب لگتا ہے

احسان دانش

ریزہ ریزہ ہے کسی خواب‌ زر افشاں کا طلسم
فصلِ گل انجم و مہتاب یہ سب کچھ بھی نہیں

بشیر بدر

نظر سے گفتگو خاموش لب تمہاری طرح
غزل نے سیکھے ہیں انداز سب تمہاری طرح
جو پیاس تیز ہو تو ریت بھی ہے چادر آب
دکھائی دور سے دیتے ہیں سب تمہاری طرح

علی سردار جعفری

وید اپنیشد پرزے پرزے گیتا قرآں ورق ورق
رام و کرشن و گوتم و یزداں زخم رسیدہ سب کے سب
جس کی تیغ ہے دنیا اس کی جس کی لاٹھی اس کی بھینس
سب قاتل ہیں سب مقتول ہیں سب مظلوم ہیں ظالم سب

خاطر غزنوی

اب کیا دیارِ غیر میں ڈھونڈیں ہم آشنا
اپنے تو غیر ہو گئے سب اپنے شہر میں

شاد عظیم آبادی

خضر کیا ہم تو اس جینے میں بازی سب سے جیتے ہیں
دم اب اکتا گیا اللٰہ اکبر کب سے جیتے ہیں

عزیز حامد مدنی

دنیا بدل گئی ہے حساب اور ہو گئے
رمز تغیر رخ عالمِ ہوئے ہیں سب

احمد فراز

مگر کسی نے ہمیں ہم سفر نہیں جانا
یہ اور بات کہ ہم ساتھ ساتھ سب کے گئے
تم اپنی شمع تمنا کو رو رہے ہو فرازؔ
ان آندھیوں میں تو پیارے چراغ سب کے گئے

فراق گورکھپوری

آنکھوں نے فراقؔ آج نہ پوچھو جو دکھایا
جو کچھ نظر آتا ہے وہ سب اور ہی کچھ ہے

کلیم عاجز

کس نے وفا کا ہم کو وفا سے دیا جواب
اس راستے میں لوٹنے والے ہی سب ملے

محسن احسان

شکایت شبِ ہجراں کبھی نہ کی محسنؔ
حکایت غمِ دل ورنہ یاد سب تھی مجھے

ناصر کاظمی

بھولتے جاتے ہیں ماضی کے دیار
یاد آئیں بھی تو سب یاد نہیں