بہادر شاہ ظفر

عشق نے جن کو کیا خاطر گرفتہ ان کا دل
لاکھ ہووے گرچہ سامان طرب کھلتا نہیں

داغ دہلوی

نہ تفریح آسائش دل کی خواہش
نہ سامانِ عیش و طرب چاہتے ہیں

مصطفٰی خان شیفتہ

کیوں کر میں انجمن میں تمہاری شریک ہوں
اربابِ رنج رہتے ہیں اہلِ طرب سے دور

عرفان صدیقی

میں اپنے چہرے سے کسی طرح یہ نقاب اٹھاؤں
سمجھ بھی جا کہ پسِ پردہ طرب کیا ہے
سنا تو ہو گا کہ جنگل میں مور ناچتا ہے
ہم اس خرابے میں فصلِ طرب گذارتے ہیں
مسافر رات کو اس دشت میں بھی رک ہی جاتے ہیں
ہمارے دل میں بھی جشنِ طرب ہوتا ہی رہتا ہے

رئیس فروغؔ

میرے جلتے ہوئے گھر کو دیکھو
دور سے جشنِ طرب لگتا ہے
کسی طرح مری خود رفتگی گوارا کر
نصیب میں یہی اک لمحۂ طرب ہے میاں

احسان دانش

یہ اجالوں کے جزیرے یہ سرابوں کے دیار
سحر‌ و افسوں کے سوا جشنِ طرب کچھ بھی نہیں

عبید اللہ علیم

وہ خواب خواب فضائے طرب نہیں آئی
عجیب ہی تھی وہ شب پھر وہ شب نہیں آئی

علی سردار جعفری

خنجر خنجرِ قاتل ابرو دلبر ہاتھ مسیحا ہونٹ
لہو لہو ہے شام تمنا آنسو آنسو صبحِ طرب

خاطر غزنوی

جو پھول آیا سبز قدم ہو کے رہ گیا
کب فصلِ گل ہے فصلِ طرب اپنے شہر میں

عزیز حامد مدنی

یہ شان دلبری ہے کہ وہ جب بھی مل گیا
پایا مزاج دوست کو آسودۂ طرب

فراق گورکھپوری

ہر نالہ ترے درد سے اب اور ہی کچھ ہے
ہر نغمہ سر بزمِ طرب اور ہی کچھ ہے

محسن احسان

میں خود ہی بزم بھی اور خود ہی بزم آرا بھی
کہ ناگوار ہر اک محفل طرب تھی مجھے

محسن نقوی

صحنِ گلشن میں ہواؤں کی صدا غور سے سن
ہر کلی ماتم‌ صد جشنِ طرب کرتی ہے

ناصر کاظمی

کم فرصتئی خوابِ طرب یاد رہے گی
گزری جو ترے ساتھ وہ شب یاد رہے گی
گو ہجر کے لمحات بہت تلخ تھے لیکن
ہر بات بعنوانِ طرب یاد رہے گی
ایسا الجھا ہوں غمِ دنیا میں
ایک بھی خوابِ طرب یاد نہیں
جب تجھے پہلی بار دیکھا تھا
وہ بھی تھا موسمِ طرب کوئی
پھر کئی لوگ نظر سے گزرے
پھر کوئی شہرِ طرب یاد آیا
ہوش اڑانے لگیں پھر چاند کی ٹھنڈی کرنیں
تیری بستی میں ہوں یا خوابِ طرب ہے کوئی
لیے جاتی ہیں کسی دھیان کی لہریں ناصر
دور تک سلسلۂ تاکِ طرب ہے کوئی