بہادر شاہ ظفر

ہم اپنا عشق چمکائیں تم اپنا حسن چمکاؤ
کہ حیراں دیکھ کر عالم ہمیں بھی ہو تمہیں بھی ہو

حیدر علی آتش

رفتگاں کا بھی خیال اے اہل عالم کیجیے
عالم ارواح سے صحبت کوئی دم کیجیے
چاہنے والے ہزاروں نئے موجود ہوئے
خط نے اس گل کے کیا اور ہی عالم پیدا
دردِ سر میں ہو کسی کے تو مرے دل میں ہو درد
واسطے میرے ہوا ہے غم عالم پیدا

داغ دہلوی

اپنے ہی غم سے نہیں ملتی نجات
اس بنا پر فکر عالم کیا کریں
زمانہ دوستی پر ان حسینوں کی نہ اترائے
یہ عالم دوست اکثر دشمن عالم بھی ہوتے ہیں

شیخ ابراہیم ذوق

کیا ہے وعدۂِ دیدار کس نے
کہ ہے مشتاق اک عالم ابھی سے

فیض احمد فیض

یہ جفائے غم کا چارہ، وہ نجات دل کا عالم
ترا حسن دست عیسٰی، تری یاد روئے مریم
دل و جاں فدائے راہے کبھی آ کے دیکھ ہمدم
سرِ کوئے دل فگاراں شبِ آرزو کا عالم

باقی صدیقی

آ گئے آپ درمیاں ورنہ
کھل چلی تھی حقیقت عالم

جون ایلیا

میں ان میں آج تک کبھی پایا نہیں گیا
جاناں جو میرے شوق کے عالم ملے تمہیں

جگر مراد آبادی

مری آنکھوں نے دیکھا ہے وہ عالم
کہ ہر عالم ہے لغزش ہائے پیہم
وہ اک حسن سراپا اللٰہ اللٰہ
کہ جس کی ہر ادا عالم ہی عالم
قیامت کیا یہ اے حسنِ دو عالم ہوتی جاتی ہے
کہ محفل تو وہی ہے دل کشی کم ہوتی جاتی ہے

قمر جلالوی

مجھ پر ہے یہ نزع کا عالم اور
پھر سوچ لو باقی تو نہیں کوئی ستم اور

عرفان صدیقی

سخی داتا سے انعامِ قناعت میں نے مانگا تھا
مرے کشکول میں خوانِ دو عالم رکھ دیا دیکھو
پیکر سادہ ہے اور دل سے وہ کرتا ہے سلوک
جو کبھی حسنِ دو عالم نہیں کرتا ہم سے

مصطفی زیدی

قمقمے جلتے رہے بجھتے رہے
رات بھر سینے میں اک عالم رہا

احسان دانش

بسا اوقات مایوسی میں یہ عالم بھی ہوتا ہے
تبسم کی تہوں میں اہتمام غم بھی ہوتا ہے

اسرار الحق مجاز

مجازؔ اک بادہ کش تو ہے یقیناً
جو ہم سنتے تھے وہ عالم نہیں ہے

ضیا جالندھری

لوگ تسلیم سے تخریب تک آ پہنچے ہیں
ڈالنے نکلے ہیں اک اور ہی عالم کی طرح
قریہ قریہ تھی ضیاؔ حسرت آبادی دل
قریہ قریہ وہی ویرانی کا عالم برسا

عبید اللہ علیم

چاہا تھا جسے وہ مل بھی گیا پر خواب بھرے ہیں آنکھوں میں
اے میرے لہو کی لہر بتا اب کون سے میں عالم میں ہوں

احمد راہی

یہ کس مقام پہ لے آئی زندگی راہیؔ
قدم قدم پہ جہاں بے بسی کا عالم ہے

جوش ملیح آبادی

حسن بے پروا کو دے کر دعوت لطف و کرم
عشق کے زیر نگیں پھر ہر دو عالم کیجیے
نمایاں منتہائے سعئ پیہم ہوتی جاتی ہے
طبیعت بے نیاز ہر دو عالم ہوتی جاتی ہے
گرہ یوں کھل رہی ہے ہر نفس ذوق تماشا کی
کہ ہر ادنیٰ سی شے اب ایک عالم ہوتی جاتی ہے

حفیظ ہوشیارپوری

میری وفا تو نادانی تھی تم نے مگر یہ کیا ٹھانی تھی
کاش نہ کرتے مجھ سے محبت کاش نہ ہوتا دل کا یہ عالم

عزیز حامد مدنی

اک اس کے رنگِ رخ کی جنوں ساز چھوٹ سے
اس زندگی میں خواب کا عالم سا رہ گیا

فانی بدایونی

یوں نظم جہاں درہم و برہم نہ ہوا تھا
ایسا بھی ترے حسن کا عالم نہ ہوا تھا
تم کو اس راز ماسوا کی قسم
تم پہ چھایا ہوا ہے عالم کیا

احمد فراز

تری یادوں کا وہ عالم نہیں ہے
مگر دل کی اداسی کم نہیں ہے

شاذ تمکنت

نہ جانے کون سے عالم میں اس کو دیکھا تھا
تمام عمر وہ عالم رہا ہے آنکھوں میں

فراق گورکھپوری

روکش صد حریمِ دل ہے فضا
وہ جہاں ہیں عجیب عالم ہے

قتیل شفائی

پھول پہ دھول ببول پہ شبنم دیکھنے والے دیکھتا جا
اب ہے یہی انصاف کا عالم دیکھنے والے دیکھتا جا

مجروح سلطان پوری

صحرا میں بگولا بھی ہے مجروحؔ صبا بھی
ہم سا کوئی آوارۂ عالم تو نہیں ہے

ناصر کاظمی

جب تلک دم رہا ہے آنکھوں میں
ایک عالم رہا ہے آنکھوں میں