بہادر شاہ ظفر

اوروں کے بل پہ بل نہ کر اتنا نہ چل نکل
بل ہے تو بل کے بل پہ تو کچھ اپنے بل کے چل

شیخ ابراہیم ذوق

دل کو اس کاکل پیچاں سے نہ بل کرنا تھا
یہ سیہ بخت گیا اپنے ہی بل میں مارا
ہے قطع رہِ عشق میں اے ذوقؔ ادب شرط
جوں شمع تو اب سر ہی کے بل جائے تو اچھا

مومن خان مومن

اس نقشِ پا کے سجدے نے کیا کیا کیا ذلیل
میں کوچۂِ رقیب میں بھی سر کے بل گیا

باقی صدیقی

بن کے لکیریں ابھرے ہیں
ماتھے پر راہوں کے بل

مجید امجد

ایک زمانے سے یہی رستہ زیرِ قدم ہے ، اک اک جھونکا محرم ہے
آج جو من کی اوٹ سے دیکھا، ہر سو اک ان دیکھی رت کی چھل بل ہے