حیدر علی آتش

محشر کو بھی دیدار کا پردہ نہ کرے یار
عاشق کو جو اندیشۂِ فردا ہے تو یہ ہے

مومن خان مومن

سچ ہی سہی آپ کا پیماں ولے
مرگ نے کب وعدۂِ فردا کیا

مجید امجد

کبھی سفر ہی سفر میں جو عمرِ رفتہ کی سمت
پلٹ کے دیکھا تو اڑتی تھی گردِ فردا بھی

رئیس فروغؔ

جب تک آ کے جائے نہیں
آس لگاؤں فردا سے
ترا ہجر بسیرے لیتا ہے
مرے جھلمل جھلمل فردا میں
مجھے تو ایک ترا حسن ہی بہت ہے مگر
ترے لیے بھی بہت کچھ ہے خواب فردا میں

احسان دانش

حال و مستقبل کا کیا ہم کو سبق دیتے ہیں آپ
اس قدر تو واقف امروز و فردا ہم بھی ہیں

ظہیر کاشمیری

شمعِ محفل یک شب اور طول فکر اتنا
کون شخص تھا جس نے آرزوئے فردا کی
عجب کیا لا مکاں کو اک نیا زنداں سمجھ بیٹھے
یہ دیوانہ حد امروز و فردا میں نہیں رہتا
ہمارے دور کے انسان خود اپنی ہی ضد نکلے
طلب ماضی کی ہوتی ہے قدم فردا میں رکھتے ہیں
ہر روز ہی امروز کو فردا نہ کرو گے
وعدہ یہ کرو پھر کبھی وعدا نہ کرو گے

جوش ملیح آبادی

ایفائے عہد کر کہ ہے مدت سے بیقرار
روح وفائے وعدۂ فردا ترے لیے
اک مضحکہ ہے پرسش عقبیٰ مرے نزدیک
اک وہم ہے اندیشۂ فردا مرے آگے

شاد عظیم آبادی

چین سے شہرِ خموشاں میں ہر اک سوتا ہے
آسرا سب کو ہے اے وعدۂ فردا تیرا

شان الحق حقی

کار دیروز ابھی آنکھوں سے کہاں سمٹا ہے
خوں رلانے کے لیے قصۂ فردا نہ سنا

شکیل بدایونی

حسن کے حسن ندامت کا تقاضا ہے کہ آج
صدق دل سے پھر یقین وعدۂ فردا کروں

فانی بدایونی

لے اعتبار وعدۂ فردا نہیں رہا
اب یہ بھی زندگی کا سہارا نہیں رہا

اکبر حمیدی

نہ جانے کس طرف سے لکھا جائے
چمن دیوار فردا ہو رہا ہے