حیدر علی آتش

دیوانے نہ کیوں کر خل و زنجیر پہنتے
سرکار جنوں کا جو سراپا ہے تو یہ ہے

جگر مراد آبادی

ہم نے ایسا نہ کوئی دیکھنے والا دیکھا
جو یہ کہہ دے کہ ترا حسن سراپا دیکھا

شکیب جلالی

اس کے پردوں پہ منقش تری آواز بھی ہے
خانۂ دل میں فقط تیرا سراپا ہی نہیں

عرفان صدیقی

کوئی میرے دل حیراں کا سراپا دیکھے
جیسے بچہ کسی میلے میں تماشا دیکھے

مجید امجد

ایسے بھی لوگ ہیں جنہیں پرکھا تو ان کی روح
بے پیرہن تھی، جسم سراپا لباس تھا

رئیس فروغؔ

کچے رنگ چرائے ہیں
میں نے ایک سراپا سے
اب ترے شہر کی دیواروں سے
بات کرتا ہے سراپا اپنا

سیماب اکبر آبادی

رفتہ رفتہ ہو گئے جذب اس میں جلوے سینکڑوں
دل مرا سیمابؔ تصویر سراپا ہو گیا

شاد عظیم آبادی

وہی رنگت وہی خوشبو وہی نازک بدنی
پھول نے نقش اتارا ہے سراپا تیرا

شاذ تمکنت

غزل شاذؔ ہے صدقہ تری رعنائی کا
رگِ ہر شعر میں ہے موج سراپا تیری
کس کس کو اب رونا ہو گا جانے کیا کیا بھول گیا
چشم و لب کا ذکر ہی کیا ہے میں تو سراپا بھول گیا
ہر زاویے کو جسم کے اہلِ نظر کی پیاس
ہر خط ترے بدن کا سراپا دکھائی دے