حیدر علی آتش

آئی اکسیر غنی دل نہیں رکھتی ایسا
خاکساری نہیں دی ہے مجھے دولت دی ہے
صورت سے اس کی بہتر صورت نہیں ہے کوئی
دیدار یار سی بھی دولت نہیں ہے کوئی
نازاں نہ حسن پر ہو مہماں ہے چار دن کا
بے اعتبار ایسی دولت نہیں ہے کوئی
یوں بد کہا کرو تم یوں مال کچھ نہ سمجھو
ہم سا بھی خیر خواہ دولت نہیں ہے کوئی

شیخ ابراہیم ذوق

کیا غرض لاکھ خدائی میں ہوں دولت والے
ان کا بندہ ہوں جو بندے ہیں محبت والے
دولت کی رکھ نہ مار سر گنج سے امید
موذی وہ دے گا کیا کہ جو دولت پرست ہے

قمر جلالوی

مٹ مٹ کے اب دل میں کوئی حسرت نہیں رہی
لٹ لٹ کے اب خزانے میں دولت نہیں رہی

عرفان صدیقی

دستِ تہی میں گوہرِ نصرت کہاں سے لائے
عرفانؔ تم یہ درد کی دولت کہاں سے لائے

رئیس فروغؔ

عشق افلاس گزیدہ کو مصیبت سمجھا
ہم بھی زردار بنے درد کو دولت سمجھا

بیان میرٹھی

جھکا دی قدسیوں نے بے تکلف گردن طاعت
زہے رتبہ کف خاک در والائے دولت کا