مرزا غالب

نالۂِ دل میں شب اندازِ اثر نایاب تھا
تھا سپند بزم وصل غیر ، گو بیتاب تھا
واں خود آرائی کو تھا موتی پرونے کا خیال
یاں ہجومِ اشک میں تارِ نگہ نایاب تھا

انشاء اللہ خان انشا

جس نے کہ مرے چہرہ سے آب آہ اڑا لے
ثابت ہوئی اس پر درِ نایاب کی چوری

مصطفٰی خان شیفتہ

دولتِ حسن یہاں تک تو لٹائی ظالم
اشک ہے گوہرِ نایاب ترے کوچے میں
کہاں پھر وہ نایاب، پایا جسے
غلط شوق ہے جنسِ نایاب کا

میر مہدی مجروح

اہل عالم سے چاہتا ہوں وفا
اس کا طالب ہوں جو کہ ہے نایاب
آزمانا نہ دل کو سختی سے
ٹوٹ جائے نہ یہ درِ نایاب

رئیس فروغؔ

دستِ دعا میں شعلہ ء نایاب دیکھنا
ہر شب ہمیں چمکتے ہوئے خواب دیکھنا

اختر شیرانی

ملنے پہ گر آئیں کوئی مکاں خالی نہیں اپنے جلووں سے
اور گوشہ نشیں ہو جائیں اگر کم یاب نہیں نایاب ہیں ہم

عبید اللہ علیم

کوچۂ عشق سے کچھ خواب اٹھا کر لے آئے
تھے گدا تحفۂ نایاب اٹھا کر لے آئے

شاد عظیم آبادی

ڈھونڈوگے اگر ملکوں ملکوں ملنے کے نہیں نایاب ہیں ہم
جو یاد نہ آئے بھول کے پھر اے ہم نفسو وہ خواب ہیں ہم

احمد فراز

ان صورتوں کو ترسے گی چشم جہاں کہ آج
کم یاب ہیں تو کل ہمیں نایاب دیکھنا
کہیں آ جائے میسر تو مقدر تیرا
ورنہ آسودگی دہر کو نایاب سمجھ