حیدر علی آتش

دو گھڑی کی جو ملاقات تھی وہ بھی موقوف
ایسا پڑتا تھا خلل یار کی اوقات میں کیا

مصحفی غلام ہمدانی

دے مصحفیؔ کو نعمت و دولت تو اے کریم
تا سب کہیں کہ اس کی اب اوقات بڑھ گئی
کاغذ پہ شب و روز تری کھینچوں ہوں تصویر
یعنی اسی صورت بسر اوقات کہیں ہو
کڑھ مت کہ فراغت کی بھی آ جائے ہے ساعت
پھر مان دوانے وہی اوقات ہے اور تو
کس چیز پہ پھر ہم ہوں گفتار تعین
دن رات کی ٹھہرے ہے نہ اوقات کی ٹھہرے
دیکھا جو شبِ ہجر تو رویا میں کہ اس وقت
یاد آیا شبِ وصل کے اوقات کا عالم

مرزا رفیع سودا

تجھ بن بہت ہی کٹتی ہے اوقات بے طرح
جوں توں کے دن تو گزرے ہے پر رات بے طرح

باقی صدیقی

دل ہی جب ٹوٹ گیا تو پھر کیا
نہ ہوئی یا بسر اوقات ہوئی
دل کو روشن کرتی ہیں
بجھ کر شمعیں بعض اوقات

عبدالحمید عدم

یہ دیکھ کہ کس حال میں ہم زندہ ہیں اب تک
مت پوچھ کہ کیسے بسر اوقات ہوئی ہے

عرفان صدیقی

پیش ہوس تھا خوانِ دو عالم سجا ہوا
اس رزق پر مگر بسر اوقات نئیں ہوئی