حیدر علی آتش

حکم کر آتشؔ کہ بازارِ محبت بند ہو
اب کریں ٹٹپوجئے گرم اپنی دوکاں داریاں

مصحفی غلام ہمدانی

پری حور انساں کسی میں نہیں
جو دیکھی ہیں تجھ میں ادا داریاں

جون ایلیا

اپنے درباں کو سنبھالے رکھئے
ہیں ہوس کی اپنی عزت داریاں
ہائے جانانہ کی مہماں داریاں
اور مجھ دل کی بدن آزاریاں

عرفان صدیقی

لہو کی لہر کے پیچھے نکل چلیں اس پار
کھلی ہوئی ہیں ابھی راہ داریاں دیکھو
تمام رات بدن کا طواف کرتا ہے
ہمارے خون کی تب زندہ داریاں دیکھو

حفیظ جالندھری

تم نے دنیا ہی بدل ڈالی مری
اب تو رہنے دو یہ دنیا داریاں

کیف بھوپالی

جناب کیفؔ یہ دلی ہے میرؔ و غالبؔ کی
یہاں کسی کی طرف داریاں نہیں چلتیں