حیدر علی آتش

وہ بادہ کش ہوں میری آواز پا کو سن کر
شیشوں نے سر حضور ساغر جھکا دیے ہیں

مصحفی غلام ہمدانی

ہونے دیا نہ مجھ سے تمہیں شرم نے دو چار
جب مل گئے تو سر کو جھکا کر چلے گئے

میر انیس

گنہ کا بوجھ جو گردن پہ ہم اٹھا کے چلے
خدا کے آگے خجالت سے سر جھکا کے چلے

جگر مراد آبادی

شکست حسن کا جلوہ دکھا کے لوٹ لیا
نگاہ نیچی کیے سر جھکا کے لوٹ لیا

سراج الدین ظفر

ذوقِ نمو کو منزل دوست میں آ کے بھول جا
اس طرح بے نیاز ہو سر کو جھکا کے بھول جا

اختر شیرانی

غرور اور ہمارا غرور محبت
مہ و مہر کو ان کے در پر جھکا دیں

بیان میرٹھی

بیاںؔ ہے وہ بادشاہ اسریٰ کہ جس کی درگاہ‌ خسروی میں
دیا زمین‌ ادب کو بوسہ فلک نے گردن جھکا جھکا کر

جوش ملیح آبادی

مجھ سے مغرور و بد دماغ کا سر
اپنے در پر جھکا رہا ہے یہ کون

شکیل بدایونی

سر اہلِ عشق کے اکثر جھکا نہیں کرتے
اگر جھکے بھی کہیں پھر اٹھا نہیں کرتے

شاذ تمکنت

بڑے بڑوں کے نشیب و فراز دیکھے ہیں
کوئی ملے تو سہی جس کا سر جھکا ہی نہ ہو

قابل اجمیری

ہاں یہی خاک بسر سوختہ ساماں اے دوست
تیرے قدموں میں ستاروں کو جھکا دیتے ہیں