حیدر علی آتش

سلسلہ اپنی گرفتاری کا کب قطع ہوا
پہنی پازیب انہوں نے جو اتارے توڑے
اے جنوں ہوتے ہیں صحرا پر اتارے شہر سے
فصلِ گل آئی کہ دیوانے سدھارے شہر سے

باقی صدیقی

جس کو اتنا ڈھونڈ رہے ہیں
جانے وہ کس گھاٹ اتارے

عرفان صدیقی

موجِ خوں سوچ میں ہے پار اتارے کس کو
شہر کا شہر ہی مقتول ہے مارے کس کو
دیدنی ہے مجھے سینے سے لگانا اس کا
اپنے شانوں سے کوئی بوجھ اتارے جیسے

رئیس فروغؔ

شکایتیں ہی کرے گا کہ خودغرض نکلے
وہ دل میں کوئی بلٹ تو نہیں اتارے گا

حفیظ جالندھری

حفیظؔ اس نئے دور میں تجھ کو فن کا
نشہ ہے تو پیارے اتارے چلا چل

شکیل بدایونی

دل تھا کسی کی یاد میں مصروف اور ہم
شیشے میں زندگی کو اتارے چلے گئے

عزیز حامد مدنی

خط معزولی اربابِ ستم کھینچ گئے
یہ رسن بستہ صلیبوں سے اتارے ہوئے لوگ

اکبر حمیدی

کھلے ہیں پھول ہر سو جیسے کوئی
ترا صدقہ اتارے دے رہا ہے

احمد فراز

اب زمیں پر کوئی گوتم نہ محمد نہ مسیح
آسمانوں سے نئے لوگ اتارے جائیں
لوگ الہام کو بھی الحاد سمجھتے ہیں
جو دل پر وجدان اتارے مت لکھو

کلیم عاجز

تم ہی سوچو بھلا یہ شوق کوئی شوق ہوا
آج اونچائی پہ بیٹھو کل اتارے جاؤ