حیدر علی آتش

جس نے دیکھا تمہیں وہ مر ہی گیا
حسن سے تیغ بے پناہ ہو تم

داغ دہلوی

تمہارے کوچے میں ہر روز وہ قیامت ہے
کہ سایہ ڈھونڈ رہا ہے کہیں پناہ ملے
کروں میں عرض اگر جان کی اماں پاؤں
کہوں پتے کی اگر قہر سے پناہ ملے

مصحفی غلام ہمدانی

جب اس نے چلائی تیغ ہم پر
ہاتھوں کی پناہ ہم نے کر لی

جگر مراد آبادی

کیا کشش حسنِ بے پناہ میں ہے
جو قدم ہے اسی کی راہ میں ہے
فردِ عمل سیاہ کیے جا رہا ہوں میں
رحمت کو بے پناہ کیے جا رہا ہوں میں

عبدالحمید عدم

مجھ کو تنہا نہ چھوڑ کر جاؤ
یہ خلا بے پناہ ہوتا ہے

ادا جعفری

خلش تیر بے پناہ گئی
لیجیے ان سے رسم و راہ گئی

ضیا جالندھری

شدت لا زوال سے چاہا
حسرت بے پناہ سے دیکھا