حیدر علی آتش

چلے گا کبک کیا رفتار تیری
یہ انداز قدم پایا تو ہوتا

مرزا رفیع سودا

دل مت ٹپک نظر سے کہ پایا نہ جائے گا
جوں اشک پھر زمیں سے اٹھایا نہ جائے گا

باقی صدیقی

اس قدر برہمی شکایت پر
چھوڑیے ہم نے مدعا پایا
ڈوب کر دل میں جب نظر نکلی
ایک عالم کو آشنا پایا
مجھے خراب جنوں کر کے تو نے کیا پایا
ہزار پھول کھلیں گے جو ایک مرجھایا

قمر جلالوی

ڈھونڈنے پر بھی نہ دل پایا گیا
سوچتا ہوں کون کون آیا گیا

شکیب جلالی

مدتوں روئے گل کی جھلک کو ترستا رہا میں ‘ شکیبؔ
اب جو آئی بہار‘ اس نے صحنِ چمن میں نہ پایا مجھے

عرفان صدیقی

جو مجھے لے کے چلی تھی وہ ہوا لوٹ گئی
پھر کبھی جس نے پتہ گھر کا نہ پایا، میں تھا
تم سے ملے تو خود سے زیادہ
تم کو اکیلا پایا ہم نے

الطاف حسین حالی

لوگ کیوں شیخ کو کہتے ہیں کہ عیار ہے وہ
اس کی صورت سے تو ایسا نہیں پایا جاتا
مقصود اپنا کچھ نہ کھلا لیکن اس قدر
یعنی وہ ڈھونڈتے ہیں جو پایا نہ جائے گا

بشیر بدر

وقت کو ماہ و سال کی زنجیروں میں جکڑ کر کیا پایا ہے
وقت تو ماہ و سال کی زنجیروں میں اور بھی تیز بڑھا ہے

فارغ بخاری

وہ روشنی ہے کہاں جس کے بعد سایا نہیں
کسی نے آج تلک یہ سراغ پایا نہیں

حفیظ جالندھری

جہاں قطرے کو ترسایا گیا ہوں
وہیں ڈوبا ہوا پایا گیا ہوں
بہ حال گمرہی پایا گیا ہوں
حرم سے دیر میں لایا گیا ہوں
مجھے تو اس خبر نے کھو دیا ہے
سنا ہے میں کہیں پایا گیا ہوں

رسا چغتائی

محبت میں رساؔ کھویا ہی کیا تھا
جو یہ کہتے کہ کچھ پایا نہیں ہے

شاد عظیم آبادی

ستایا آ کے پہروں آرزو نے
جو دم بھر آپ میں پایا گیا ہوں

شکیل بدایونی

وہ یوں کھو کے مجھے پایا کریں گے
مرا افسانہ دہرایا کریں گے
ہر اک تدبیر جب ناکام ہو گی
تو مجھ کو رو بہ رو پایا کریں گے

قابل اجمیری

ابھی تو دامن چھڑا رہے ہو بگڑ کے قابلؔ سے جا رہے ہو
مگر کبھی دل کی دھڑکنوں میں شریک پایا تو کیا کرو گے

قتیل شفائی

اف یہ سناٹا کہ آہٹ تک نہ ہو جس میں مخل
زندگی میں اس قدر ہم نے سکوں پایا نہ تھا
میں لا زوال تھا مٹ مٹ کے پھر ابھرتا رہا
گنوا گنوا کے مجھے زندگی نے پایا ہے