حیدر علی آتش

دل بہت تنگ رہا کرتا ہے
رنگ بے رنگ رہا کرتا ہے
بندش چست سے تیری آتشؔ
قافیہ تنگ رہا کرتا ہے

شیخ ابراہیم ذوق

بل بے باریکی کہ گویا ہر ترا تار سخن
جنتری میں کھنچ کے نکلا ہے دہان تنگ سے

مصحفی غلام ہمدانی

وہ چہچہے نہ وہ تری آہنگ عندلیب
کس گل کی یاد میں ہے تو دل تنگ عندلیب
مجنوں تو جا کے دشت میں فریاد کر کہ آئے
نالے سے تیرے شہر کے دل تنگ لوگ ہیں

باقی صدیقی

اس کارگہ رنگ میں ہم تنگ نہیں کیا
جو سر پہ لگا ہے ابھی وہ سنگ نہیں کیا

عرفان صدیقی

چلو زمیں نہ سہی آسمان ہی ہو گا
محبتوں پہ بہرحال تنگ سا کچھ ہے

ظہیر کاشمیری

ہوتی نہ ہم کو سایۂ دیوار کی تلاش
لیکن محیط زیست بہت تنگ رہ گیا
تخیل کی حدوں کا تعین نہ ہو سکا
لیکن محیط زیست بہت تنگ رہ گیا

عزیز حامد مدنی

آگ کو گلزار کر دے اس دعا کا وقت ہے
ورنہ خوئے آدمیت آدمی پر تنگ ہے

قتیل شفائی

سوچ کو جرأت پرواز تو مل لینے دو
یہ زمیں اور ہمیں تنگ دکھائی دے گی

مجروح سلطان پوری

ہنسو مت اہلِ دل اپنی سی جانو بزم خوباں میں
چلے آئے ادھر ہم بھی بہت جب دل سے تنگ آئے