حیدر علی آتش

گفتنی حال نہیں ہے اپنا
کچھ عجب ڈھنگ رہا کرتا ہے

شیخ ابراہیم ذوق

اے تغافل کیش جلدی آ کہ تو واقف نہیں
اس دلِ بیتاب و جان مضطرب کے ڈھنگ سے

مصحفی غلام ہمدانی

جاتا ہوں گر چمن میں تو رکھ رکھ کے کان کو
نالے کا مجھ سے سیکھتی ہے ڈھنگ عندلیب
ہم تو نہ لعلِ لب کا ترے بوسہ لے سکے
رکھتے ہیں یہ خیال جو بے ڈھنگ لوگ ہیں

عرفان صدیقی

کہیں کسی کے بدن سے بدن نہ چھو جائے
اس احتیاط میں خواہش کا ڈھنگ سا کچھ ہے