حیدر علی آتش

آئینہ کو روبرو آنے نہ دیجے یار کے
شانہ سے آتشؔ مزاج زلف برہم کیجیے
کام اپنا نہ ہوا جب کجی ابرو سے
گیسوئے یار ہوئے درہم و برہم پیدا

داغ دہلوی

تند خو ہے کب سنے وہ دل کی بات
اور بھی برہم کو برہم کیا کریں

شیخ ابراہیم ذوق

غضب آیا ہلیں گر اس کی مژگاں
صف عشاق ہے برہم ابھی سے

جون ایلیا

تم کو جہان شوق و تمنا میں کیا ملا
ہم بھی ملے تو درہم و برہم ملے تمہیں

جگر مراد آبادی

توجہ بے نہایت اور نظر کم
خوشا یہ التفات حسن برہم

احسان دانش

نئی تہذیب کے معمار شاید اس سے غافل ہیں
بہ ایں آثار عالم درہم و برہم بھی ہوتا ہے

اسرار الحق مجاز

جنونِ شوق اب بھی کم نہیں ہے
مگر وہ آج بھی برہم نہیں ہے

زہرا نگاہ

آنکھ سے کٹ کٹ جاتے تھے سارے منظر
رات سے رنگ دیدۂ حیراں برہم تھا

ضیا جالندھری

سعی اظہار ضیاؔ کانچ کے ٹوٹے ہوئے لفظ
آرزوئیں ہیں کسی محفل برہم کی طرح

ظہیر کاشمیری

تھکن تیرے بدن کی عذر کوئی ڈھونڈ ہی لیتی
حدیث محفلِ شب کہہ رہی ہے زلف برہم بھی

تلوک چند محروم

یہ کس سے آج برہم ہو گئی ہے
کہ زلفِ یار پر خم ہو گئی ہے

جوش ملیح آبادی

جی میں آتا ہے کہ پھر مژگاں کو برہم کیجیے
کاسۂ دل لے کے پھر دریوزۂ غم کیجیے
صبح سے تا شام رہیے قصۂ عارض میں گم
شام سے تا صبح ذکر زلف برہم کیجیے
نسیم بے نیازی آ رہی ہے بام گردوں سے
عروس مدعا کی زلف برہم ہوتی جاتی ہے

حفیظ ہوشیارپوری

حفیظؔ ان سے میں جتنا بد گماں ہوں
وہ مجھ سے اس قدر برہم نہ ہوں گے

رسا چغتائی

کیوں آنگن ٹیڑھا لگتا ہے
کیوں پایل برہم رہتی ہے

عزیز حامد مدنی

اک خواب آتشیں کا وہ محرم سا رہ گیا
دیوار و در میں شعلہ‌ٔ برہم سا رہ گیا

فانی بدایونی

یوں نظم جہاں درہم و برہم نہ ہوا تھا
ایسا بھی ترے حسن کا عالم نہ ہوا تھا
تا کجا آہ زیرِ لب آخر
انتہائے سکوت برہم کیا
مٹ گیا نام عاشقی اب اور
چاہتا ہے وہ حسن برہم کیا

احمد فراز

تم بھی خفا ہو لوگ بھی برہم ہیں دوستو
اب ہو چلا یقیں کہ برے ہم ہیں‌ دوستو

فراق گورکھپوری

جیسے اچھلے جنوں کی پہلی شام
اس ادا سے وہ زلف برہم ہے

مجروح سلطان پوری

جو سمجھاتے بھی آ کر واعظ برہم تو کیا کرتے
ہم اس دنیا کے آگے اس جہاں کا غم تو کیا کرتے