حیدر علی آتش

جوشِ وحشت میں جو لی زنداں سے میں نے راہ دشت
کود کاں مجھ کو خدا حافظ پکارے شہر سے

باقی صدیقی

یاں تک آئے اپنے سہارے
آگے وحشت جس کو پکارے

عرفان صدیقی

کوئی بستی سے نکلتا نہیں نصرت کے لیے
گھر کسے یاد کرے دشت پکارے کس کو
اس کی آنکھیں ہیں کہ اک ڈوبنے والا انساں
دوسرے ڈوبنے والے کو پکارے جیسے

رئیس فروغؔ

یہ سرد رات کوئی کس طرح گزارے گا
ہوا چلی تو لہو کو لہو پکارے گا

حفیظ جالندھری

مسلسل بتوں کی تمنا کیے جا
مسلسل خدا کو پکارے چلا چل

سیف الدین سیف

ہر آستاں اگرچہ ترا آستاں نہ تھا
ہر آستاں پہ تجھ کو پکارے چلے گئے

شکیل بدایونی

اللٰہ رے بے خودی کہ ہم ان کے ہی رو بہ رو
بے اختیار انہی کو پکارے چلے گئے
نہ خلش رہی وہ مجھ میں نہ کشش رہی وہ مجھ میں
جسے زعم عاشقی ہو وہی اب تجھے پکارے

عزیز حامد مدنی

کیا ہوئے باد بیاباں کے پکارے ہوئے لوگ
چاک در چاک گریباں کو سنوارے ہوئے لوگ

احمد فراز

وہ جو موجود نہیں اس کی مدد چاہتے ہیں
وہ جو سنتا ہی نہیں اس کو پکارے جائیں

کلیم عاجز

یوں تو مقتل میں تماشائی بہت آتے ہیں
آؤ اس وقت کہ جس وقت پکارے جاؤ

محسن احسان

رہے گی دل میں نہ جب کوئی بھی خلش محسنؔ
بھلا چکا ہے جسے تو اسے پکارے گا