حیدر علی آتش

لباس یار کو میں پارہ پارہ کیا کرتا
قبائے گل سے اسے استعارہ کیا کرتا

عرفان صدیقی

سنو، کہ بول رہا ہے وہ سر اتارا ہوا
ہمارا مرنا بھی جینے کا استعارہ ہوا
مگر گرفت میں آتا نہیں بدن اس کا
خیال ڈھونڈتا رہتا ہے استعارہ کوئی
عجب نہیں وہ سمجھ لے یہ استعارۂ شام
کہ آج دیر سے نکلا مرا ستارۂ شام

محبوب خزاں

خاک سے کس نے اٹھتے دیکھی ہے
وہ قیامت کہ استعارہ نہیں

محسن نقوی

حیات اب شامِ غم کی تشیبہ خود بنے گی
تمہاری زلفوں کا استعارہ نہیں چلے گا