داغ دہلوی

جان کیا دوں کہ جانتا ہوں میں
تم نے یہ چیز لے کے دی ہی نہیں

جون ایلیا

اس کی امید ناز کا ہم سے یہ مان تھا کہ آپ
عمر گزار دیجیے عمر گزار دی گئی
نشۂ شوق رنگ میں تجھ سے جدائی کی گئی
ایک لکیر خون کی بیچ میں کھینچ دی گئی
اس کی امید ناز کا مجھ سے یہ مان تھا کہ آپ
عمر گزار دیجیے عمر گزار دی گئی

عرفان صدیقی

وہ جو اک شرط تھی وحشت کی اٹھا دی گئی کیا
میری بستی کسی صحرا میں بسادی گئی کیا
وہی لہجہ ہے مگر یار ترے لفظوں میں
پہلے اک آگ سی جلتی تھی‘ بجھا دی گئی کیا
دیر سے پہنچے ہیں ہم دور سے آئے ہوئے لوگ
شہر خاموش ہے ‘ سب خاک اڑا دی گئی کیا

ماجد صدیقی

نامرادی کا کیا گلہ ماجدؔ
ہم نے اٹھنے ہی جب نہ دی آواز

قابل اجمیری

صراحی کا بھرم کھلتا نہ میری تشنگی ہوتی
ذرا تم نے نگاہِ ناز کو تکلیف دی ہوتی

ناصر کاظمی

یہ ہوا تھی کہ دھیان کا جھونکا
کس نے آواز دی درختوں میں