داغ دہلوی

جھلک رہی ہے سرِ شاخ مژہ خون کی بوند
شجر میں پہلے ثمر سے کلی نکلتی ہے
گلشن میں ترے لبوں نے گویا
رس چوم لیا کلی کلی کا

مصحفی غلام ہمدانی

دل گرم خون الفت مرے بر میں رکھ دیا ہے
سوئے گل تو ملتفت ہوں جو کلی کو میں نہ دیکھوں

قمر جلالوی

لڑکپن دیکھئے گلگشت میں وہ مجھ سے کہتے ہیں
چمن میں پھول جتنے ہیں وہ سب تیرے کلی میری
قفس سے جب چھٹ کے جائیں گے ہم تو سب ملین گے بجز نشیمن
چمن کا ایک ایک گل ملے گا چمن کی اک اک کلی ملے گی

مصطفی زیدی

وہ ابھی پھول سے نہیں ملتی
جوہیے کی کلی سے ملتی ہے

ماجد صدیقی

کھلتے ہوئے لبوں پر مہریں لگا کے بیٹھیں
تھا کیا یہی تقاضا ہم سے کلی کلی کا
تم مجھ سے جدا ہوئے تو ہوتے
پھر دیکھتے میری بے کلی کو

اختر امام رضوی

کسی کی یاد نے مہکا دیا ہے زخم طلب
صبا کے ہاتھ سے مسلی ہوئی کلی کی طرح

جلیل مانک پوری

یہ رنگ گلاب کی کلی کا
نقشہ ہے کس کی کم سنی کا
بلبلِ کی بہار میں نہ پوچھو
منہ چومتی ہے کلی کلی کا
ہوں ایک سے سب حسین کیونکر
ہے رنگ جدا کلی کلی کا
ہوں ایک سے سب حسین کیوں کر
ہے رنگ جدا کلی کلی کا
نالے بلبل کے تھے کہ چھریاں
دل ٹکڑے ہوا کلی کلی کا

قتیل شفائی

میں اپنی عمر بھر کا چین جب اس در پہ چھوڑ آیا
ملی ہے تب کہیں جا کر ذرا سی بے کلی مجھ کو
میں وہ گلشن گزیدہ ہوں کہ تنہائی کے موسم میں
نہیں ہوتے اگر کانٹے تو ڈستی ہے کلی مجھ کو

محبوب خزاں

تمام عمر یہ افسردگان محفل گل
کلی کو چھیڑتے ہیں بے کلی سے کھیلتے ہیں

ناصر کاظمی

یاد ہیں مرحلے محبت کے
ہائے اس بے کلی میں کیا کچھ تھا