داغ دہلوی

دوستی میں تری در پردہ ہمارے دشمن
اس قدر اپنے پرائے ہیں کہ جی جانتا ہے
خدا جانے ہم کس کے پہلو میں ہوں گے
عدم کو سب اپنے پرائے گئے ہیں

باقی صدیقی

کسی نے تمہیں آج کیا کہہ دیا ہے
نظر آ رہے ہو پرائے پرائے

شکیب جلالی

یوں تو سارا چمن ہمارا ہے
پھول جتنے بھی ہیں پرائے ہیں

رئیس فروغؔ

ہمہ وقت جو مرے ساتھ ہیں یہ ابھرتے ڈوبتے سائے سے
کسی روشنی کے سراب ہیں کہ ملے ہر اپنے پرائے سے
اپنے ہو نہ پرائے ہو
کس سے ملنے آئے ہو
نہ سناؤ کہ اپنے پرائے ہوئے
ملو سارے ملال چھپائے ہوئے

غلام محمد قاصر

گل ماہ گھومتے چاک پر کف کوزہ گر سے پھسل گئی
کہ بساط گردش سال و سن یہی فرق اپنے پرائے کا

سیف الدین سیف

سیفؔ زمانہ سمجھاتا ہے
کون اپنے ہیں کون پرائے
تم کو بیگانے بھی اپناتے ہیں میں جانتا ہوں
میرے اپنے بھی پرائے ہیں تمہیں کیا معلوم

فانی بدایونی

تمہیں کہو کہ تمہیں اپنا سمجھ کے کیا پایا
مگر یہی کہ جو اپنے تھے سب پرائے ہوئے

نوح ناروی

عدو سے بزمِ عدو میں لڑا رہے ہو نگاہ
نہیں خیال کہ اپنے پرائے بیٹھے ہیں