داغ دہلوی

یہ نہ پوچھو کیوں یہ حالت ہو گئی
خود بدولت کی بدولت ہو گئی

مصطفٰیٰ خان شیفتہ

میں ہوں بے کس اور بے کس پر ترحم ہے ضرور
حسنِ روز افزوں دلا دینا مری حالت کی یاد

جون ایلیا

تجھ میں پڑا ہوا ہوں حرکت نہیں ہے مجھ میں
حالت نہ پوچھیو تو حالت نہیں ہے مجھ میں
موجودی سے انکاری ہے اپنی ضد میں ناز وجود
حالت سی حالت برپا ہے اللٰہ ہو کے باڑے میں

شکیل بدایونی

نگاہیں مضطرب اترا ہوا چہرہ زباں ساکت
جو تھی اپنی وہی اب ان کی حالت ہوتی جاتی ہے
وہ دن گئے کہ تھی مجھے پرسش کی آرزو
محبوب ہو کے اب مری حالت نہ پوچھئے

فانی بدایونی

مر کر مریضِ غم کی وہ حالت نہیں رہی
یعنی وہ اضطراب کی صورت نہیں رہی

کلیم عاجز

بیاں جب کلیمؔ اپنی حالت کرے ہے
غزل کیا پڑھے ہے قیامت کرے ہے