داغ دہلوی

یہ ’’داغ‘‘ بھی نہ ہو گا تیرے سوا کسی کا
کونین میں‌ہے جو کچھ وہ ہے تمام تیرا
ابرِ تر سے صبا ہی اچھی تھی
میری مٹی ہوئی تمام خراب
پہنچے ہیں جب اس کی بزم میں ہم
مجلس ہی تمام ہو گئی ہے

مصحفی غلام ہمدانی

کس کا یہ خوں کیے تو آتا ہے
دامن افشاں تمام ہے تیرا

مومن خان مومن

دیکھ لو شوق نا تمام مرا
غیر لے جائے ہے پیام مرا

فیض احمد فیض

وہیں ہے دل کے قرائن تمام کہتے ہیں
وہ اک خلش کہ جسے تیرا نام کہتے ہیں
یہی کنارِ فلک کا سیہ تریں گوشہ
یہی ہے مطلع ماہِ تمام کہتے ہیں
ہوس‌ مطرب و ساقی میں‌پریشاں اکثر
ابر آتا ہے کبھی ماہِ تمام آتا ہے
مقابل صفِ اعدا جسے کیا آغاز
وہ جنگ اپنے ہی دل میں تمام ہوتی رہی

جون ایلیا

ناف پیالے کو ترے دیکھ لیا مغاں نے جان
سارے ہی مے کدے کا آج کام تمام ہو گیا
دید کی ایک آن میں کار دوام ہو گیا
وہ بھی تمام ہو گیا میں بھی تمام ہو گیا
اس کے ہونٹوں پہ رکھ کے ہونٹ اپنے
بات ہی ہم تمام کر رہے ہیں
کاسہ گداگری کا ہے ناف پیالہ یار کا
بھوک ہے وہ بدن تمام وصل تمام رنج ہے

جگر مراد آبادی

کیوں کیا رہا جو مقابلہ خطرات گام بہ گام سے
سرِ بام عشق تمام تک رہ شوق نیم تمام سے

عبدالحمید عدم

تیرے ہاتھوں سے کس کو ملتی ہے ؟
میرے ماہِ تمام پیتا ہوں

عرفان صدیقی

وہی سراج منیر آخری ستارۂ غیب
اجالے سب اسی ماہِ تمام سے آئے

مجید امجد

کیا گریباں چاک صبح اور کیا پریشاں زلف شام
وقت کی لامنتہی زنجیر کی کڑیاں تمام

اسرار الحق مجاز

میری دنیا جگمگا اٹھی کسی کے نور سے
میرے گردوں پر مرا ماہِ تمام آ ہی گیا
میری شب اب میری شب ہے میرا بادہ میرے جام
وہ مرا سروِ رواں ماہِ تمام آ ہی گیا

آنس معین

نہ تھی زمین میں وسعت مری نظر جیسی
بدن تھکا بھی نہیں اور سفر تمام ہوا

بہزاد لکھنوی

تمہارے حسن کی تسخیر عام ہوتی ہے
کہ اک نگاہ میں دنیا تمام ہوتی ہے
جہاں پہ جلوۂ جاناں ہے انجمن آرا
وہاں نگاہ کی منزل تمام ہوتی ہے
زہے نصیب میں قربان اپنی قسمت کے
ترے لیے مری دنیا تمام ہوتی ہے
تری نگاہ کے قرباں تری نگاہ کی ٹیس
یہ ناتمام ہی رہ کر تمام ہوتی ہے
کسی کے ذکر سے بہزادؔ مبتلا اب تک
جگر میں اک خلش نا تمام ہوتی ہے

علی سردار جعفری

نگاہیں منتظر ہیں ایک خورشید تمنا کی
ابھی تک جتنے مہر و ماہ آئے نا تمام آئے

تلوک چند محروم

افزونی جمال کا باعث ہے فاصلہ
فرشِ زمیں سے جلوۂ ماہِ تمام دیکھ

ثروت حسین

دیکھ اے نوجوان میں تجھ پر
اپنی چاہت تمام کرنے لگا

جوش ملیح آبادی

سبو اٹھا کہ فضا سیم خام ہے ساقی
فراز کوہ پہ ماہ تمام ہے ساقی

حسرت موہانی

ترے کرم پہ ہے موقوف کامرانی شوق
یہ ناتمام الٰہی تمام ہو جائے

فانی بدایونی

اب قیامت قریب ہے فانیؔ
فتنۂ عشق ہو چلا ہے تمام

احمد فراز

اس نے سکوتِ شب میں بھی اپنا پیام رکھ دیا
ہجر کی رات بام پر ماہِ تمام رکھ دیا

مجروح سلطان پوری

فریب کھا کے ان آنکھوں کا کب تلک اے دل
شراب خام پییں رقص نا تمام کریں
ہیں اس کشاکش پیہم میں زندگی کے مزے
پھر ایک بار کوئی سعی نا تمام کریں