داغ دہلوی

محبت میں مزا ہے چھیڑ کا لیکن مزے کی ہو
ہزاروں لطف ہر اک شکوۂِ باطل میں رہتے ہیں

مصطفٰی خان شیفتہ

حسن کے اعجاز نے تیرے مٹایا کفر کو
تیرے آگے نقشِ مانی، نقشِ باطل ہو گیا

یگانہ چنگیزی

تصور لالہ و گل کا خزاں میں بھی نہیں مٹتا
نگاہِ شوق وابستہ ہے اب تک نقشِ باطل سے
کعبے سے ہو یا دیر سے منزل پہ پہنچ جاؤں
اک دھن ہے تمیز حق و باطل نہیں رکھتا

احسان دانش

کسی کا عکس ہوں احسانؔ مراعات حقیقت میں
مجھے سمجھیں گے کیا تصویر باطل دیکھنے والے

اسرار الحق مجاز

مجازؔ اور حسن کے قدموں پہ سجدے
مآل زعم باطل دیکھتا ہوں

تلوک چند محروم

یہ ہے دور حقائق سحر‌ و افسوں ہو گئے باطل
مگر کم ہیں جو سحر حسن کو باطل سمجھتے ہیں

سیماب اکبر آبادی

ختم اس طرح نزاع حق و باطل ہو جائے
اک طرف دونوں جہاں ایک طرف دل ہو جائے

فانی بدایونی

عمر امید کے دو دن بھی گراں تھے ظالم
بار فردا نہ ترے وعدۂ باطل سے اٹھا
ہر باطل و ہر ناحق اک راز حقیقت ہے
جس شکل میں حق آیا وابستۂ باطل تھا