داغ دہلوی

بنتی ہے بری کبھی جو دل پر
کہتا ہوں برا ہو عاشقی کا
کس کس کو مزا ہے عاشقی کا
تم نام تو لو بھلا کسی کا
بنتی ہے بری کبھی جو دل پر
کہتا ہوں برا ہو عاشقی کا

مصحفی غلام ہمدانی

گو اب وہ جواں نہیں پہ ہم سے
لت جائے ہے کوئی عاشقی کی

فیض احمد فیض

سہل یوں راہِ زندگی کی ہے
ہر قدم ہم نے عاشقی کی ہے

جگر مراد آبادی

تمام حرف و حکایت تمام دیدہ و دل
اس اہتمام پہ بھی شرح عاشقی نہ ہوئی

قمر جلالوی

مجھے شکوے بھی آتے ہیں مجھے نالے بھی آتے ہیں
مگر یہ سوچ کر چپ ہوں کی رسوا عاشقی ہو گی

فارغ بخاری

یہی ہے دور غم عاشقی تو کیا ہو گا
اسی طرح سے کٹی زندگی تو کیا ہو گا

جلیل مانک پوری

دیکھو نہ جلیلؔ کو مٹاؤ
مٹ جائے گا نام عاشقی کا
پاتے ہیں جو مجھ کو جی سے بیزار
کہتے ہیں مزہ ہے عاشقی کا
ہاں جسے عاشقی نہیں آتی
لذت زندگی نہیں آتی

حسرت موہانی

خو ہے از بس کہ عاشقی دل کی
غم سے وابستہ ہے خوشی دل کی

سید ضمیر جعفری

شرح درد عاشقی کرتے ہیں ہم
زخم کی سوداگری کرتے ہیں ہم

احمد فراز

وفا کے باب میں الزام عاشقی نہ لیا
کہ تیری بات کی اور تیرا نام بھی نہ لیا