داغ دہلوی

وعدہ کرنے کا اختیار رہا
بات کرنے میں کیا برائی ہے
سچ ہے بے عیب ہے خدا کی ذات
تجھ میں کیا جانے کیا برائی ہے
تو نے کی غیر سے کل میری برائی کیوں کر
گر نہ تھی دل میں تو لب پر تیرے آئی کیوں کر
آئینہ دیکھ کے وہ کہنے لگے آپ ہی آپ
ایسے اچھے کی کرے کوئی برائی کیوں کر
داغ کو مہر کہا اشک کو دریا تم نے
اور پھر کرتے ہیں چھوٹوں‌ کی برائی کیوں کر
تو نے کی غیر سے کل میری برائی کیونکر
گر نہ تھی دل میں تو لب پر ترے آئی کیونکر
آئینہ دیکھ کر وہ کہنے لگے آپ ہی آپ
ایسے اچھوں کی کرے کوئی برائی کیونکر

جون ایلیا

یاد اسے انتہائی کرتے ہیں
سو ہم اس کی برائی کرتے ہیں

حسرت موہانی

دل خوب جانتا ہے کہ تم کس خیال سے
کرتے رہے عدو کی برائی تمام شب

احمد فراز

طنز و طعنہ و تہمت سب ہنر ہیں ناصح کے
آپ سے کوئی پوچھے ہم نے کیا برائی کی

شاذ تمکنت

بھلے سے اب کوئی تیری بھلائی گنوائے
کہ میں نے چاہا تھا تجھ کو تری برائی تک